شاپپاي بەر شابىتكەر

ەلىمىزدە ءحححىى رەسپۋبلي­كا­لىق جاس ورىنداۋشىلار بايقاۋى مارەگە جەتتى. بۇل جولى دا پ.چاي­كوۆسكي اتىنداعى الماتى مۋ­زىكالىق كوللەدجىنىڭ ستۋدەنتتەرى جەڭىستى ورىنداردان تابى­لىپ, ءوز وقۋ ورىندارىنىڭ كاسىبي دەڭ­گەيىن كورسەتتى. ءبىلىم جانە عىلىم مينيسترلىگى ۇيىمداستىرعان بايقاۋدا ال­دى­مەن پيانيستەر مەن ىشەكتى اسپاپتا وينايتىندار استانا قالا­سىندا جارىسقا ءتۇسىپ, وسى كول­لەدجدىڭ 4-كۋرس ستۋدەنتى انتون ماركەلوۆ باس جۇلدەنى جەڭىپ ال­عان بولاتىن. – سكريپكاشىلار اراسىندا جۇرگەن بايقاۋ بارىنشا سالماق­تى بولدى. مەن ءۇشىن انتوننىڭ جەڭىسى زاڭدىلىق تا سياقتى. ويتكەنى, ول بەلسەندى شىعارما­شى­لىق يەسى عانا ەمەس, پەداگوگپەن جەڭىل ۇندەسە الاتىن مۋ­زى­كانت, – دەيدى ۇستازى نۇرلان ساعىمباەۆ. وسىلايشا باس ءجۇل­دەگە لايىق اتانعان انتون ماركەلوۆ بايقاۋدا فاۋست وپەرا­لا­رىنان, مەندەلسون شىعارمالا­رىنان ۇزىندىلەر ورىنداپ, قۇر­مان­عازىنىڭ ە.ۇسەنوۆ وڭدەگەن «تورەمۇراتىن» ءوز دەڭگەيىندە پاش ەتتى. اتالمىش كوللەدجدىڭ الت­شىلەرى دە ءوز شەبەرلىكتەرىمەن تا­نىلعانىن ايتا كەتكەن ءجون دەسەك, بايقاۋ ديپلومانتتارى قاتا­رىندا جاننا-ماري جا­قىپ­بە­كو­ۆا, كونتراباسشىلار – نياز ۇلە­كەشوۆ پەن بەكجان يسمايلوۆ بار.  بار بولعانى 2 جىل عا­نا كونتراباسپەن اينالىسىپ ءجۇر­گەن بەكجان ءۇشىن رەسپۋب­لي­كالىق باي­قاۋدىڭ ديپلومانتى اتانۋ – ايتارلىقتاي تابىس. ال ءوزى ولەڭ جازىپ, كوپ ىزدەنەتىن نيازدان دا ۇستازدارى ۇلكەن ءۇمىت كۇتەدى. سونداي-اق, ءار كەزەڭدەگى كوم­پو­زيتورلاردىڭ شىعارمالارىن ناقىشىنا كەلتىرە ورىنداپ ءجۇر­گەن  كوللەدج شاكىرتتەرى, فورتە­پي­ا­نوشىلار – شاحنوزا ماتنازاروۆا مەن نازىگۇل ارىستامبە­كو­ۆا­لار­دىڭ دا اتى وسى بايقاۋدا ەرەكشە اتالدى. كلاسسيكالىق مۋزىكا سالا­سى­نىڭ كەلەشەگىن ايقىندايتىن جاس ورىنداۋشىلاردىڭ رەسپۋبلي­كا­لىق بايقاۋى جاڭا ەسىمدەردى جاڭ­عىرتىپ قانا قويماي, بۇكىل ءسان-سالتاناتىمەن, اۋقىمدى­لى­عى­مەن دە ەستە قالماق. ايناش ەسالي. الماتى.