ب. ساعىنتاەۆ باستاپقىدا وبلىسقا اليك ايدارباەۆ باسشىلىق ەتكەن كەزدە وڭىردىڭ سەرپىندى دامىعانىن اتاپ ءوتتى. سونىمەن قاتار, مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا بەرگەن تاپسىرمالارى تۇرعىسىنان دامۋدىڭ بارلىق باعىتى بويىنشا جۇمىستى جانداندىرۋ قاجەت.
ءبىرىنشى كەزەكتە تسيفرلىق تەحنولوگيالار قولدانىلعان جاڭا يندۋستريالارعا نازار اۋدارۋ كەرەك. مەملەكەت باسشىسى اتاپ وتكەندەي, تسيفرلىق يندۋستريانى دامىتۋ بارلىق وزگە سالالارعا سەرپىن بەرەدى, دەپ ەسكە سالدى ب. ساعىنتاەۆ. اقپاراتتاندىرۋسىز تابىستى دامۋ مۇمكىن ەمەس جانە ءبىزدىڭ ەلىمىز باسەكەگە قابىلەتتى بولا المايدى. وڭىردە تەك مۇناي سالاسىن عانا دامىتىپ قويماي, سونىمەن قوسا قاراپايىم نارسەلەردىڭ ەكونوميكاسىنا, جاڭا جۇمىس ورىندارىنىڭ اشىلۋىنا ۇلكەن ەكپىن قويۋ كەرەك. ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋعا باسا نازار اۋدارۋ كەرەك, دەپ اتاپ ءوتتى پرەمەر-مينيستر ب. ساعىنتاەۆ.
كولىك-لوگيستيكا ينفراقۇرىلىمىنىڭ دامۋىنا باعىتتالعان «نۇرلى جول» باعدارلاماسىن ساپالى ءارى ۋاقىتىلى ىسكە اسىرۋمەن قامتاماسىز ەتۋ قاجەت. يندۋستريالاندىرۋدى ەكونوميكانىڭ ءداستۇرلى سالالارىن, اسىرەسە ەلىمىزدىڭ مۇناي-گاز كەشەنىن جاڭعىرتۋعا باسىمدىق بەرە وتىرىپ دامىتۋ كەرەك. ونەركاسىپتىك ساياسات – ەلىمىزدى ءۇشىنشى جاڭعىرتۋدىڭ ماڭىزدى ءتۇيىنى, دەدى پرەمەر-مينيستر.
مينەرالدى-شيكىزات بازاسىن دامىتۋ, وبلىستا ونەركاسىپتىك ءونىم ءوندىرىسىنىڭ كولەمىن ۇلعايتۋ ۇلكەن نازاردى تالاپ ەتەدى. بۇدان وزگە, ينۆەستيتسيالاردى تارتۋ جۇمىسىن جانداندىرۋ قاجەت.
سونداي-اق, باسىمدىقتى سالالار رەتىندە پرەمەر-مينيستر «نۇرلى جەر» تۇرعىن-ءۇي باعدارلاماسىن ىسكە اسىرۋ جانە وبلىستا ءتۋريزمدى دامىتۋ مىندەتتەرىن ايتتى.
