ەكسپو كەزىندە امەريكالىق قوناقتار 71 قويىلىم كورسەتەدى

ورتالىق كوممۋنيكاتسيالار قىزمەتىندە «ەكسپو-2017» حالىقارالىق كورمەسى كەزىندە وتكىزىلەتىن شارالارعا ارنالعان ءباسپاسوز ءماسليحاتى ءوتتى. بريفينگكە «استانا ەكسپو-2017»  اق  شارالاردى ۇيىمداستىرۋ جانە كونتەنت دەپارتامەنتىنىڭ ديرەكتورى مارات وماروۆ, كانادالىق CIRQUE DU SOLEIL® پاۆيلونى جوباسىنىڭ ديرەكتورى  بەرنار پۋرە مەن «Reflekt» شوۋىنىڭ رەجيسسەرى  فەرنان رەينۆيل قاتىسىپ, وزدەرىنىڭ جوبا-جوسپارلارىمەن تانىستىردى. – بيىلعى كورمەگە 45 DEGREES كومپانياسىنىڭ وكىلدەرى كەلەدى. ولار ەكسپو كەزىندە حالىقتىڭ نازارىنا ويىن-ساۋىق باعدارلاامالارىن ۇسىنادى. بۇل كومپانيا دۇنيە جۇزىنە كەڭىنەن تانىلعان CIRQUE DU SOLEIL® توبىنا كىرەدى. امەريكالىق قوناقتار 16 ماۋسىم مەن 10 قىركۇيەك ارالىعىندا 71 قويىلىم كورسەتۋدى جوسپارلاپ وتىر. ولاردىڭ ءبارى وزدەرىنىڭ پاۆيلونىندا بولادى, – دەدى م.وماروۆ. ال كانادالىق مامانداردىڭ  ايتۋىنشا,  CIRQUE DU SOLEIL®  پاۆيلونىندا 2 000-نان استام ادام ەمىن-ەركىن قويىلىمداردى تاماشالاي الادى. ءاربىر شارانىڭ باعاسى 4 000 تەڭگە كولەمىندە بولادى. – ءبىزدىڭ كومپانيا 1984 جىلى قۇرىلعان. سول كەزدە كوشەدە ونەر كورسەتىپ جۇردىك.  كەيىن CIRQUE DU SOLEIL® توبىنا باسقا دا ارتىستەر كەلىپ, قاتارىمىز تولىقتى.  قازىر ءبىزدىڭ ۇجىمدا 50 ەلدەن 4 000-عا جۋىق ادام قىزمەت ەتەدى. 1 300 ءارتىسىمىز بار. وسى كەزگە دەيىن بىرنەشە رەت الەمدى اينالىپ, 60 ەلدە ونەر كورسەتتىك. 400 قالادا بولدىق. ءبىزدىڭ كورەرمەندەرىمىز سانى 160 ميلليونعا جەتتى, – دەيدى «Reflekt» شوۋىنىڭ رەجيسسەرى  فەرنان رەينۆيل. داستان كەنجالين, «ەگەمەن قازاقستان»