بۋكمەكەرلىك كەڭسەلەر گولوۆكيننىڭ ايقاسىنا ەرەكشە ءباس قابىلداي باستادى

بۋكمەكەرلىك كەڭسەلەر گەننادي گولوۆكين مەن دەنيەل دجەيكوبس اراسىنداعى كەزدەسۋگە ەرەكشە ءباس قابىلداي باستادى. قازاقستاندىق بوكسشى رينگكە قازاقتىڭ ۇلتتىق شاپانىمەن شىعاتىنى بەلگىلى. گولوۆكين شاپانسىز شىعادى دەگەن ۆاريانتتىڭ كوەففيتسيەنتى 33-كە تەڭ بولماق. ال جاتتىقتىرۋشىلاردىڭ ءبىرى شارشى الاڭعا ورامال تاستاۋ مۇمكىندىگىنە 11 كوەففيتسيەنت بەرىپ وتىر. كەلل برۋك پەن گولوۆكين اراسىنداعى جەكپە-جەك كەزىندە بريتان بوكسشىسىنىڭ باپكەرى وسىنداي قادامعا بارعان-دى. جاقىندا كەرتيس ستيۆەنس-دەۆيد لەمە اراسىنداعى ايقاستا ستيۆەنس اۋىر نوكاۋتقا ۇشىرادى. شامامەن ون سەكۋندتاي كوزىن اشا المادى. وسىنداي جاعداي گولوۆكين مەن دجەيكوبس اراسىندا بولۋ مۇمكىندىگى 33 كوەففيتسيەنتكە باعالانعان. سول سياقتى راۋند اراسىنداعى ۇزىلىستە قوس بوكسشىنىڭ ءبىرى جەكپە-جەكتى جالعاستىرۋدان باس تارتادى دەگەن جورامالدىڭ كوەففيتسيەنتى 7,80-گە تەڭ بولماق. ال كادىمگى ءباس تىگۋدە گولوۆكين فاۆوريت رەتىندە ەسەپتەلىپ تۇر. ونىڭ جەڭىسىنە 1,15 كوەففيتسيەنتى بەرىلدى. مەرزىمىنەن بۇرىن جەڭىسكە – 1,27, تورەشىلەردىڭ شەشىمىمەن جەڭىسكە – 7 كوەففيتسيەنت. دجەيكوبسقا كەلەر بولساق, ونىڭ جەڭۋ مۇمكىندىگى 6 كوەففيتسيەنتكە, مەرزىمىنەن بۇرىن نەمەسە تورەشىلەردىڭ شەشىمىمەن جەڭۋ مۇمكىندىگى 12 كوەففيتسيەنتكە باعالانىپ وتىر. ايتا كەتەيىك, گولوۆكين مەن دجەيكوبس اراسىنداعى ايقاس 18 ناۋرىزدا نيۋ-يوركتەگى Madison Square Garden ارەناسىندا وتەدى.