كەلەر جىلدان باستاپ ەلىمىزدە اي-80 ماركالى بەنزين شىعارىلمايدى, دەپ حابارلادى 24.kz. قانات بوزىمباەۆتىڭ ايتۋىنشا, بيىل ەكىنشى جارتىجىلدىقتا شىمكەنت مۇناي وڭدەۋ زاۋىتىن جاڭعىرتۋدىڭ ءبىرىنشى كەزەڭى اياقتالادى. سودان كەيىن ەلىمىزدە ەۋرو-4, ەۋرو-5 ستاندارتتارىنا ساي جانارماي مەن ديزەل وتىنى شىعارىلاتىن بولادى. ال اتىراۋ جانە پاۆلودار مۇناي وڭدەۋ زاۋىتتارىن جاڭعىرتۋ جۇمىستارى جوسپار بويىنشا جىل سوڭىنا دەيىن ءبىتۋى ءتيىس. سونداي-اق, مينيستر ەلدەگى جانارماي باعاسى حالىقتىڭ ورتاشا تابىسىنا قانشالىقتى ساي كەلەتىندىگى جونىندە پىكىر ءبىلدىردى. «مەن حالىقتىڭ ورتاشا تابىسى مەن بەنزيننىڭ باعاسىن سالىستىرىپ كورگەن جوقپىن. بىراق رەسەيدى الىپ قاراساق, وندا اي-92 ماركالى جانارمايدىڭ باعاسى 180 تەڭگەدەن اسادى. ارينە, ەۋروپامەن سالىستىرساڭىزدار, باعا باسقاشا بولادى», – دەدى ەنەرگەتيكا ءمينيسترى قانات بوزىمباەۆ.
ەكونوميكا • 14 ناۋرىز, 2017
كەلەسى جىلدان باستاپ اي-80 بەنزينى شىعارىلمايدى
سوڭعى جاڭالىقتار
قازاقستاندىق شاڭعىشى قىزداردىڭ جەكەلەي سايىستاعى ناتيجەسى قانداي؟
وليمپيادا • كەشە
ەرتەڭ استانادا ءبىرىنشى اۋىسىم وقۋشىلارى قاشىقتان وقيدى
اۋا رايى • كەشە
قازاقستاندا وڭدەۋ ونەركاسىبى 6,4%-عا ءوستى
ءوندىرىس • كەشە
