2017 جىلدىڭ اقپان ايىندا جەرگىلىكتى اتقارۋشى ورگاندار 476 جۇمىس بەرۋشىگە شەتەلدىك جۇمىس كۇشىن تارتۋ ماقساتىندا 2063 رۇقسات بەرىپ, ولار 436,9 ملن تەڭگە كولەمىندە سالىق تولەمىن جاسادى, دەپ حابارلادى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى.
اتالعان رۇقساتتاما قۇجاتتاردى تىكەلەي جەرگىلىكتى اتقارۋشى ورگانداردان نەمەسە «ەلەكتروندىق ۇكىمەت» پورتالىنىڭ «بىرىڭعاي تەرەزەسىنەن» الۋعا بولادى.
ەسكە سالا كەتسەك, 2017 جىلدىڭ 1 قاڭتارىنان باستاپ, قازاقستان رەسپۋبليكاسىنا شەتەلدىك جۇمىس كۇشىن تارتۋدىڭ جاڭا جەڭىلدەتىلگەن ءتارتىبىنىڭ ەنگىزىلۋىنە بايلانىستى جۇمىس ىستەۋ رۇقساتتارىن بەرۋ مەرزىمى قىسقارتىلدى جانە جۇمىس بەرۋشىلەرگە قاتىستى اكىمشىلىك تالاپتار الىنىپ تاستالدى.
بۇل ەرەكشە شارتتاردىڭ ورنىنا جۇمىس بەرۋشى جەرگىلىكتى بيۋدجەتكە تولەيتىن جاڭا سالىق الىمى ەنگىزىلدى. الىم مولشەرلەمەسى شەتەلدىك جۇمىس كۇشىنىڭ ساناتى مەن سالاسىنا قاراي 137 اەك-تەن 250 اەك-كە دەيىنگى شامادا بەلگىلەنەدى, بۇل 290 مىڭ مەن 530 مىڭ تەڭگە ارالىعى.
اتالعان رەتتە جۇمىس بەرۋشىلەرگە قويىلاتىن مامانداردىڭ جەرگىلىكتى قامتىلىم جونىندەگى شارتتاردى ساقتاۋ تالاپتارى وزگەرمەيدى, ياعني باسشىلار مەن ولاردىڭ ورىنباسارلارى بويىنشا كەمىندە – 70%, ال ماماندار مەن بىلىكتى جۇمىسشىلار بويىنشا كەمىندە – 90%.
