ەسەپ كوميتەتىنىڭ توراعاسى تاعايىندالدى

ن.ق.ابدىبەكوۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى قىزمەتىنە تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى. "نۇرمۇحامبەت قاناپيا ۇلى ابدىبەكوۆ رەسپۋبليكالىق بيۋدجەتتىڭ  اتقارىلۋىن باقىلاۋ جونىندەگى ەسەپ كوميتەتىنىڭ توراعاسى بولىپ تاعايىندالسىن, ول قاراعاندى وبلىسىنىڭ اكىمى قىزمەتىنەن بوساتىلسىن", دەلىنگەن قازاقستان رەسپۋبليكاسى پرەزيدەنتىنىڭ جارلىعىندا. نۇرمۇحامبەت ابدىبەكوۆ 1961 جىلى 21 جەلتوقساندا قوستاناي وبلىسى ارقالىق قالاسىندا دۇنيەگە كەلگەن. 1984 جىلى ماسكەۋ تاۋ-كەن ينستيتۋتىن تاۋ-كەن ينجەنەرى ماماندىعى بويىنشا بىتىرگەن. تەحنيكا عىلىمدارىنىڭ كانديداتى. ول ەڭبەك جولىن 1984 جىلى ءشيلىساي فوسفوريت كەنىشىنىڭ شەبەرى, كەيىن تاۋ-كەن تسەحىنىڭ باستىعى بولىپ باستاعان. 1996 جىلدان باستاپ مەملەكەتتىك قىزمەتكە ارالاستى. كەيىن اقتوبە, اتىراۋ وبلىستارىنىڭ اكىمدىكتەرىندە بىرقاتار باسشىلىق قىزمەتتەر اتقاردى. 2010 - 2011 جج. قر يندۋستريا جانە ساۋدا ۆيتسە-ءمينيسترى, 2011-2012 جج. اقتوبە قالاسىنىڭ اكىمى, 2012 - 2014 جج. اقتوبە وبلىسى اكىمىنىڭ ءبىرىنشى ورىنباسارى بولدى. 2014 جىلدىڭ ماۋسىمىنان باستاپ قاراعاندى وبلىسىنىڭ اكىمى قىزمەتىن اتقاردى.