جۋكوۆ: الاڭنىڭ ورتالىق بولىگىندە ويناعىم كەلەدى

«قايراتقا» جاقىندا عانا قوسىلعان جارتىلاي قورعاۋشى گەورگي جۋكوۆ «وقجەتپەسكە» قارسى ويىن جانە كومانداداعى ءوزىنىڭ ورنى تۋرالى پىكىر ءبىلدىردى. «وقجەتپەسكە» قارسى ماتچتا الاڭنىڭ سول قاپتالىندا وينادىم. بۇل جەردە بۇرىن ويناپ كورمەگەندىكتەن, ءوزىمدى جايسىز سەزىنگەنىم راس. ادەتتە مەن ورتالىق جارتىلاي قورعانىسقا جاۋاپتى بولاتىنمىن. ءوزىمدى بۇل جولى جاقسى قىرىمنان كورسەتە الماعانىم انىق. بىراق باپكەرىم نەنى مىندەتتەسە, سونى ورىنداۋعا ءتيىستىمىن», – دەدى گەورگي جۋكوۆ. وتكەن تۋردا جۋكوۆتىڭ ورنىنا الاڭعا ويبەك بالتاباەۆ شىققان بولاتىن. «جاتتىقتىرۋشىلار بۇل تۋرالى ماعان ەشنارسە ايتپادى. شاماسى, ولار مەنىڭ ورتالىق جارتىلاي قورعاۋشى ەكەنىمدى بىلمەيتىن سەكىلدى. «استانادا» جۇرگەنىمدە الاڭنىڭ ورتالىق بولىگىندە وينايتىنمىن. الماتىدا ءبارى باسقاشا. باپكەرلەرىمنىڭ مۇنداي شەشىمى ماعان ۇنامايتىنىن ايتقىم كەلەدى», – دەدى ول. «بىراق جاتتىقتىرۋشىممەن سوزگە كەلگەن ەمەسپىن. ول شەشىم قابىلدايدى, مەن ورىنداۋىم قاجەت. قولىمنان كەلگەنشە تىرىسىپ ءجۇرمىن», – دەدى جۋكوۆ. ىشكى بىرىنشىلىكتىڭ باستاپقى ەكى تۋرىنان كەيىن قازاقستان ۇلتتىق قۇراماسىنىڭ ويىندارىنا شاقىرتۋ العاندار تالعاردا باس قوسادى. قازاقستان ساپىندا ويناۋدان باس تارتقان گەورگي بىرەر اي بۇرىن بۇل ۇسىنىستى قابىل الۋعا دايىن ەكەنىن مالىمدەگەن-ءدى. «ماعان ۇلتتىق قۇرامادا ويناۋ جونىندە ۇسىنىس كەلدى. ويلانباستان قابىل الدىم. ەندى تالعارداعى جيىنعا اتتانامىز. قازاقستان قۇراماسىنىڭ ويىندارىن اسىعا كۇتىپ ءجۇرمىن. بۇل ماتچتار تارتىستى وتەتىنى ءسوزسىز. نەگىزگى قۇراممەن شىعۋ ءۇشىن, كوماندامنىڭ جەڭىسكە جەتۋى ءۇشىن بار كۇشىمدى سالامىن. فيزيكالىق تۇرعىدان دا, پسيحولوگيالىق جاعىنان دا بارىنە دايىنمىن», – دەدى «قايرات» ويىنشىسى.