"قازتەلەراديو" اق باسقارما قۇرامى وزگەردى

"قازتەلەراديو" اق-نىڭ باسقارما قۇرامى وزگەردى, دەپ حابارلايدى كومپانيانىڭ ءباسپاسوز قىزمەتى. 28 اقپانداعى «قازتەلەراديو» اق-نىڭ ديرەكتورلار كەڭەسىنىڭ شەشىمىمەن ەسكەندىر تاجىبەكوۆ «قازتەلەراديو» اق  باسقارما توراعاسىنىڭ ءبىرىنشى ورىنباسارى لاۋازىمىنا, جاننا سمايلوۆا «قازتەلەراديو» اق  باسقارماسى توراعاسىنىڭ اكىمشىلىك جانە قارجى ماسەلەلەرى جونىندەگى ورىنباسارى لاۋازىمىنا تاعايىندالدى. ەسكەندىر ەرمان ۇلى الماتى ەنەرگەتيكا جانە بايلانىس ينتستيتۋتىن ءتامامداپ, NARXOZ ۋنيۆەرسيتەتىنىڭ IBS حالىقارالىق بيزنەس مەكتەبىنەن مۆا دارەجەسىن الدى. ەڭبەك جولىن 1997 جىلى «قازاقتەلەكوم» ااق ينجەنەر قىزمەتىنەن باستاعان. 2006 جىلى «تەحنيچەسكايا سەرۆيسنايا كومپانيا» جشس ديرەكتورى لاۋازىمىنا تاعايىندالدى. 2008 جىلى «Kazsatnet» ۇك اق دەرەكتەردى بەرۋ جەلىلەرىن پايدالانۋ دەپارتامەنتى ديرەكتورىنىڭ ورىنباسارى, 2011-2014 جج ارالىعىندا كومپانيادا پايدالۋ دەپارتامەنتىنىڭ ديرەكتورى, باسقارما توراعاسىنىڭ ورىنباسارى - تەحنيكالىق ديرەكتورى لاۋازىمدارىن اتقارعان. 2015 جىلدىڭ قاڭتار ايىنان باستاپ وسى ۋاقىتقا دەيىن «Astana Innovations» اق باسقارما توراعاسىنىڭ ورىنباسارى لاۋازىمىن اتقاردى. جاننا بولاتقىزى الماتى ەنەرگەتيكا جانە بايلانىس ينستيتۋتىن تامامداعان. تەلەكوممۋنيكاتسيا سالاسىندا 25 جىلدىق جۇمىس تاجىريبەسى بار. ەڭبەك جولىن 1998 جىلى «قازاقتەلەكوم» اق جەتەكشى ەكونوميست لاۋازىمىنان باستاپ, 2006 جىلعا دەيىن قارجى-ەكونوميكالىق قىزمەتىنىڭ باستىعى, ەكونوميكا جانە قارجى جونىندەگى ورتالىقتىڭ ديرەكتورى, كوممەرتسيالىق جوبالار باسقارماسىنىڭ باسشىسى مىندەتتەرىن اتقاردى. 2006-2013 جىلدار ارالىعىندا قىزمەتىن Vimpelcom Group (تم «Beeline») كومپانيالار توبىندا جالعاستىردى. 2014 جىلدان باستاپ 2016 جىلعا دەيىن «قازاقتەلەكوم» اق-نىڭ تاۋەكەل بويىنشا باسقارۋشى ديرەكتورى قىزمەتىن اتقارعان.