باسەكە بۋىندى بەكىتەدى

وسكەمەندەگى «جەكپە-جەك» سپورت سارايىندا ەركىن كۇرەس­تەن وتكەن جاسوسپىرىمدەر اراسىنداعى وبلىس چەمپيوناتىنا شىعىس قازاقستان وبلىسى بويىنشا 200-دەن استام سپورتشى قاتىستى. كوماندالىق ەسەپ بويىنشا قىزدار اراسىندا ۇزدىك بولىپ ۇلان اۋدانىنىڭ سپورتشىلارى تانىلدى. ولار ءتۇرلى سالماقتا بەس مەدالعا قول جەتكىزدى. ال ۇلدار اراسىندا وسكەمەندىكتەرگە تەڭ كەلەر قارسىلاس بولمادى, ولار توعىز مەدالدى قانجى­عالارىنا بايلاعان ەدى. دەگەنمەن, جارىس قورىتىن­دىسىندا سەمەي قالاسىنىڭ بالۋاندارى 10 مەدال يەلەنىپ, ءبىرىنشى ورىندى جەڭىپ الدى. ولاردان كەيىن­گى تۇعىرعا وسكەمەندىكتەر جاي­­عاسسا, ءۇشىنشى ورىنعا جارما اۋدا­نىنىڭ بالۋاندارى تابان تىرەدى. كوكپەكتى اۋدانىنداعى سا­مار اۋىلىنىڭ نامىسىن قور­عاعان جاس بالۋان, «ازيا بالا­­لارى» حالىقارالىق ويىندا­رىنىڭ كۇمىس جۇلدەگەرى, وبلىس­تىق جانە رەسپۋبليكالىق چەمپيو­ناتتاردىڭ جەڭىمپازى شىڭعىس مۇحامەدقاليەۆتىڭ ايتۋىنشا, وسى جارىسقا قاتىسۋشى ورەندەردىڭ ارقايسىسىنىڭ ارمانى – وبلىستىڭ اتىن الەمگە تانىتۋ, بايراقتى باسەكەلەردە قازاقتىڭ كوك تۋىن جەلبىرەتۋ. سپورتشىنىڭ ءوزى وسى جولعى باسەكەدە 76 كيلو سالماق دارەجە­سىندە توپ جاردى. ەندى وبلىستىڭ مىقتى دەگەن جاس بالۋاندارى اقمولا وبلى­سىنىڭ شۋچە قالاسىندا وتەتىن رەسپۋبليكالىق سايىسقا قاتىساتىن بولدى. راۋشان نۇعمانبەكوۆا, جۋرناليست وسكەمەن