قازاقستان رەسپۋبليكاسى مادەنيەت مينيسترلىگى ءتىل كوميتەتىنىڭ 2011 جىلعى 31 ناۋرىزداعى № 30 بۇيرىعىنا قوسىمشا
«مەملەكەتتىك ءتىل جانە باق» رەسپۋبليكالىق كونكۋرسىنىڭ
ەرەجەسى
قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك ءتىل ساياساتىن بۇقارالىق اقپارات قۇرالدارىندا كەڭىنەن ناسيحاتتاۋ, مەملەكەتتىك ءتىلدىڭ قازاق جانە ورىس ءتىلدى باسىلىمداردا ناسيحاتتالۋ بەلسەندىلىگىن ارتتىرۋ ماقساتىندا «مەملەكەتتىك ءتىل جانە باق» اتتى رەسپۋبليكالىق كونكۋرس وتكىزەدى. بۇل كونكۋرسقا ەلىمىزدىڭ قوعامدىق ومىرىندە مەملەكەتتىك ءتىلدىڭ قىزمەت ەتۋ اياسىن كەڭەيتۋ مەن مارتەبەسىن نىعايتۋ ماقساتىندا قازىرگى مەملەكەتتىك ءتىلدىڭ احۋالى تۋرالى وتكىر دە وزەكتى ماتەريالدار جاريالاعان جەكەلەگەن جۋرناليستەر قاتىسا الادى. كونكۋرس ءتورت نوميناتسيادان تۇرادى: - «ۇزدىك جۋرناليست» ء(باسپاسوز بويىنشا ) ; - «ۇزدىك جۋرناليست» (تەلەارنا باعدارلامالارى بويىنشا); - «ۇزدىك جۋرناليست» (راديو باعدارلامالارى بويىنشا); - «ۇزدىك جۋرناليست» (سايت ماتەريالدارى بويىنشا). كونكۋرس 2011 جىلعى 10 قاڭتار مەن 10 ماۋسىم ارالىعىندا قازاق جانە ورىس تىلدەرىندە جارىق كورگەن جاريالانىمداردى, ەفيردەن وتكەن حابارلاردى, قازاق تىلىندە جۇمىس ىستەپ جاتقان ارنايى سايتتاردى قامتيدى. كونكۋرس ماتەريالدارى جاريالانعان كۇيىندە (گازەت-جۋرنالدار بەتتەرىندە, بەينە جانە اۋديوكاسسەتالار تۇرىندە) 10 ماۋسىمعا دەيىن قابىلدانادى. قازىلار القاسىندا سارالانىپ, ۇزدىك دەپ تانىلعان جۇلدەگەرلەردىڭ ەسىمى 2011 جىلعى 25 ماۋسىمدا انىقتالادى. باعالى سىيلىقتارمەن ماراپاتتاۋ ءراسىمى استانا قالاسىندا وتەدى. كونكۋرسقا ۇسىنىلاتىن ماتەريالدار 2011 جىلعى 10 ماۋسىمعا دەيىن مىنا مەكەن-جايعا پوشتاعا جولدانۋعا ءتيىس: 01000, استانا قالاسى, «مينيسترلىكتەر ءۇيى», 15 كىرەبەرىس, قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى, «مەملەكەتتىك ءتىل جانە بۇقارالىق اقپارات قۇرالدارى» رەسپۋبليكالىق كونكۋرسىنا. بايلانىس تەلەفوندارى: 8 (7172) 74-05-01, 74-01-84, 74-05-08 (تەل/فاكس). E-mail: ahaeva@mki.kz قازاقستان رەسپۋبليكاسى مادەنيەت مينيسترلىگى ءتىل كوميتەتىنىڭ 2011 جىلعى 31 ناۋرىزداعى №30 بۇيرىعىنا قوسىمشا«ءتىلدارىن – 2011» رەسپۋبليكالىق وليمپياداسىنىڭ
ەرەجەسى
قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانۋ اياسىن كەڭەيتۋ جانە دامىتۋ ماقساتىندا «ءتىلدارىن – 2011» رەسپۋبليكالىق وليمپياداسىن (بۇدان ءارى - وليمپيادا) وتكىزەدى. وليمپيادانىڭ وتكىزىلۋ ماقساتى: 1. ءۇش ءتىلدى – قازاق, ورىس جانە اعىلشىن تىلدەرىن جەتىك مەڭگەرگەن قابىلەتتى جاستاردى انىقتاۋ جانە قولداۋ. 2. تىلدىك قارىم-قاتىناس مادەنيەتىن قالىپتاستىرىپ, كوپ ءتىلدى مەڭگەرگەن تۇلعانى تاربيەلەۋ, قازاقستاندىق ءپاتريوتيزمدى نىعايتۋ, وزگە حالىقتاردىڭ مادەنيەتى مەن ءتىلىن قۇرمەتتەۋ. وليمپيادانىڭ مىندەتتەرى: 1. قازاقستان رەسپۋبليكاسىنىڭ ءتىل ساياساتىن جۇزەگە اسىرۋ. 2. ءتىلدى مەڭگەرۋگە دەگەن قىزىعۋشىلىقتى ىنتالاندىرۋ. 3. جان-جاقتى دامىعان, باسەكەگە قابىلەتتى تۇلعا تاربيەلەۋ. وليمپيادانىڭ شارتى: وليمپياداعا 18 بەن 30 جاس ارالىعىنداعى كەز كەلگەن ازامات قاتىسا الادى. وليمپيادا ەكى كەزەڭدە وتەدى: ءبىرىنشى كەزەڭ – وبلىستىق (قالالىق); ەكىنشى كەزەڭ – رەسپۋبليكالىق. وليمپياداعا قاتىسۋشىلارعا مىناداي تاپسىرمالار بەرىلەدى: 1. بەرىلگەن تاقىرىپقا ساي «تۇساۋكەسەر» (پرەزەنتاتسيا) وتكىزۋ. 2. بەرىلگەن تاقىرىپ بويىنشا ەسسە جازۋ. 3. بەرىلگەن تاقىرىپ بويىنشا ءباسپاسوز ءماسليحاتىن وتكىزۋ. 4. ماتىنگە ىلەسپە اۋدارما جاساۋ. وليمپياداعا قاتىسۋشىلار ءۇش كەزەڭنەن وتۋگە ءتيىس: ءبىرىنشى كەزەڭ – قازاق ءتىلىن ءبىلۋ; ەكىنشى كەزەڭ – اعىلشىن ءتىلىن ءبىلۋ; ءۇشىنشى كەزەڭ – ورىس ءتىلىن ءبىلۋ. وليمپيادانىڭ مىندەتتى شارتى - الدىڭعى دەڭگەيدەن (كەزەڭنەن) وتكەن قاتىسۋشى عانا كەلەسى دەڭگەيگە قاتىسا الادى. وليمپيادانىڭ قورىتىندىسى ءۇش دەڭگەيدەن وتكەن قاتىسۋشىلار اراسىندا جۇرگىزىلەدى. باس جۇلدە يەگەرى رەسپۋبليكالىق كەزەڭگە جولداما الادى. وبلىستىق, استانا جانە الماتى قالالارىنىڭ تىلدەردى دامىتۋ باسقارمالارى وليمپيادانىڭ وبلىستىق (قالالىق) كەزەڭىن وتكىزۋ ءۇشىن قۇرامىندا (كەلىسىم بويىنشا) جەرگىلىكتى اتقارۋشى ورگان وكىلدەرى, ءبىلىم بەرۋ مەكەمەلەرىنىڭ, جوعارى وقۋ ورىندارىنىڭ, عىلىمي ۇيىمداردىڭ بىلىكتى قىزمەتكەرلەرى, باق وكىلدەرى بار كوميسسيا قۇرادى. رەسپۋبليكالىق كوميسسيا قۇرامىن قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى بەكىتەدى. وليمپيادانىڭ قورىتىندىسىن شىعارۋ قورىتىندى شىعارۋ كەزىندە: 1. تىلدەردى مەڭگەرۋ دەڭگەيى. 2. جازۋ ساۋاتتىلىعى مەن دۇرىس دىبىستالۋى. 3. جاۋاپتىڭ ورالىمدىلىعى مەن ساپاسى. 4. جاۋاپتىڭ مازمۇندىلىعى مەن ەرەكشەلىگى ەسكەرىلەدى . اقپاراتتىق قولداۋ وليمپيادانىڭ جۇرگىزىلۋ بارىسى تەلەارنالار, راديو, ينتەرنەت, مەرزىمدى باسىلىمدار ارقىلى كەڭىنەن جاريالانۋى ءتيىس. وليمپيادا جەڭىمپازدارى ديپلومدارمەن, العىس حاتتارمەن جانە باسقا دا سىيلىقتارمەن ماراپاتتالادى. مەكەن-جايىمىز: استانا قالاسى, ەسىلدىڭ سول جاعالاۋى, «مينيسترلىكتەر ءۇيى» عيماراتى, 15 كىرەبەرىس, قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى. بايلانىس تەلەفوندارى: (87172) 74-04-56; 74-05-09 (تەل/فاكس). ەسكەرتۋ: بۇرىنعى بايقاۋلاردىڭ جۇلدەگەرلەرى بيىل وتكىزىلەتىن رەسپۋبليكالىق بايقاۋلارعا جىبەرىلمەيتىن بولادى. قازاقستان رەسپۋبليكاسى مادەنيەت مينيسترلىگى ءتىل كوميتەتىنىڭ 2011 جىلعى 31 ناۋرىزداعى № 30 بۇيرىعىنا قوسىمشا«اباي وقۋلارى» رەسپۋبليكالىق بايقاۋىنىڭ
ەرەجەسى
قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانۋ اياسىن كەڭەيتۋ جانە اباي شىعارماشىلىعىن ناسيحاتتاۋ ارقىلى قازاق مادەنيەتىنە, ءتىلى مەن ادەبيەتىنە دەگەن وزگە ۇلت وكىلدەرىنىڭ ىقىلاسىن ارتتىرۋ, قازاقستاندىق رۋحاني بىرلىكتى قۋاتتاۋ, وتانسۇيگىشتىك سەزىمدى ارتتىرۋ ماقساتىندا 2011 جىلعى قىركۇيەك ايىندا ءحىىى قازاقستان حالقى تىلدەرى فەستيۆالى اياسىندا وزگە ۇلت وكىلدەرى اراسىندا رەسپۋبليكالىق «اباي وقۋلارى» بايقاۋىن وتكىزەدى. بايقاۋدىڭ مىندەتتەرى: 1. قازاق ءتىلىنىڭ كوركەمدىك ەرەكشەلىكتەرىن, باي قورىن اباي شىعارمالارى ارقىلى ناسيحاتتاۋ; 2. اباي شىعارمالارى نەگىزىندە قوعامدىق ىنتىماقتاستىقتى ورنىقتىرۋ; 3. اباي شىعارمالارى ارقىلى كوركەمسوز وقۋ شەبەرلىگىن, ءتىل مادەنيەتىن جەتىلدىرۋ; 4. اباي شىعارمالارىن ءتىل ۇيرەنۋدىڭ ءتيىمدى ءادىسى رەتىندە تانىتۋ. بايقاۋ شارتتارى: «اباي وقۋلارى» بايقاۋىنا قازاقستاندا تۇراتىن وزگە ۇلت وكىلدەرى شاقىرىلادى. ءار وبلىستان جانە الماتى, استانا قالالارىنان كوركەم ءسوز وقۋ مەن ءان ايتۋ شەبەرلىكتەرىن قاتار يگەرگەن 16 – 30 جاس ارالىعىنداعى 1 ۇمىتكەردەن قاتىسا الادى. بايقاۋ ءۇش تاپسىرمادان تۇرادى: 1. كوركەم ءسوز وقۋ شەبەرلىگىن ايقىنداۋ: - اباي شىعارمالارىن (پوەزيا, قارا سوزدەرى) قازاق تىلىندە جاتقا وقۋ; - «اباي جولى» رومانىنان قازاق تىلىندە جاتقا ءۇزىندى وقۋ. 2. انشىلىك قابىلەتىن تانىتۋ – اباي اندەرىن نەمەسە قازاق حالىق اندەرىن ورىنداۋ (1 ءان). بايقاۋ ەكى كەزەڭدە وتەدى. ءبىرىنشى كەزەڭ – وبلىستىق (قالالىق) ىرىكتەۋ بايقاۋلارى (ايماقتىق بايقاۋدىڭ جەڭىمپازدارى تۋرالى اقپاراتتار ۇستىمىزدەگى جىلعى تامىزدىڭ 20-نا دەيىن ءتىل كوميتەتىنە جولدانۋى ءتيىس); ەكىنشى كەزەڭ – رەسپۋبليكالىق بايقاۋ, قازاقستان حالقى تىلدەرى فەستيۆالىنىڭ اياسىندا قىركۇيەك ايىندا وتەدى. رەسپۋبليكالىق بايقاۋدىڭ ساراپشىلارى بايقاۋعا قاتىسۋشىلاردى الدىن-الا تىڭداپ, ساحنادان وقىلاتىن ولەڭدەرىن ىرىكتەيدى. ۇمىتكەرلەر ونەرىن باعالاۋ كەزىندە: كوركەم ءماتىندى وقۋ شەبەرلىگىنە; قازاق تىلىندە ورفوەپيالىق تۇرعىدان تازا سويلەۋىنە; ءان ورىنداۋ قابىلەتىنە; ساحنالىق مادەنيەتىنە نازار اۋدارىلادى. بايقاۋ جەڭىمپازدارى ديپلومدارمەن جانە باعالى سىيلىقتارمەن ماراپاتتالادى. مەكەن-جايىمىز: 01000, استانا قالاسى, «مينيسترلىكتەر ءۇيى», 15 كىرەبەرىس, قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى, «اباي وقۋلارى» رەسپۋبليكالىق بايقاۋىنا. بايلانىس تەلەفوندارى: 8 (7172) 74-05-01, 74-01-84 (تەل/فاكس 74-05-08); E-mail: ahaeva@mki.kz ەسكەرتۋ: بۇرىنعى رەسپۋبليكالىق بايقاۋلاردىڭ جەڭىمپازدارى بيىل وتكىزىلەتىن بايقاۋلارعا جىبەرىلمەيدى. قازاقستان رەسپۋبليكاسى مادەنيەت مينيسترلىگى ءتىل كوميتەتىنىڭ 2011 جىلعى 31 ناۋرىزداعى № 30 بۇيرىعىنا قوسىمشاكوركەمسوز وقۋ شەبەرلەرىنىڭ ورالحان بوكەي اتىنداعى ءحىىى رەسپۋبليكالىق بايقاۋىن وتكىزۋدىڭ
ەرەجەسى
1. قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانىلۋ اياسىن كەڭەيتۋ, ءتىل مادەنيەتىن كوتەرۋ, كوركەم ادەبيەتتى ناسيحاتتاۋدى جانداندىرۋ, حالىق اراسىنان تالاپتى, تالانتتى جاستاردى ىزدەپ تابۋ ماقساتىندا كوركەمسوز وقۋ شەبەرلەرىنىڭ ورالحان بوكەي اتىنداعى ءحىىى رەسپۋبليكالىق بايقاۋىن وتكىزەدى. 2. بايقاۋ 2 كەزەڭنەن تۇرادى: وبلىستىق (قالالىق) ىرىكتەۋ بايقاۋلارى شىلدە-تامىز ايلارىندا ءار وبلىس ورتالىعىندا جانە استانا, الماتى قالالارىندا; رەسپۋبليكالىق بايقاۋ قازاقستان رەسپۋبليكاسى حالقىنىڭ ءتىل فەستيۆالى اياسىندا (قىركۇيەك-قازان ايلارى) استانا قالاسىندا وتەدى. 3. بايقاۋعا 15-30 جاس ارالىعىنداعى تالاپكەرلەر قاتىسا الادى. 4. كاسىبي ونەر سالاسىنىڭ ماماندارى, وسى سالاداعى وقۋ ورىندارىنىڭ ستۋدەنتتەرى بايقاۋعا جىبەرىلمەيدى. 5. بايقاۋعا قاتىسۋشىلار 3 تاپسىرما ورىنداۋى ءتيىس: - پروزالىق شىعارمادان ءۇزىندى وقۋ; - درامالىق شىعارمادان ءۇزىندى وقۋ; - مانەرلەپ ولەڭ وقۋ. 6. بايقاۋ شارتتارى: وقىلاتىن ءماتىن كولەمى 5-6 مينۋتتان اسپاۋى كەرەك; دايىن فونوگراممالاردى پايدالانۋعا تىيىم سالىنادى; بەلگىسىز اۆتورلاردىڭ كوركەمدىگى تومەن شىعارمالارىنان ءۇزىندى وقۋعا بولمايدى; تالاپكەر ساراپقا ۇسىنۋعا تاڭداپ الىنعان ماتىندەردى جاتقا بىلۋلەرى قاجەت. 7. رەسپۋبليكالىق بايقاۋعا وبلىستاردا, استانا جانە الماتى قالالارىندا وتكەن بايقاۋلاردىڭ جەڭىمپازدارى ء(بىر-بىردەن) قاتىستىرىلادى. ولارعا جەرگىلىكتى ءتىل باسقارمالارى جولداما بەرەدى. 8. رەسپۋبليكالىق بايقاۋدىڭ ساراپشىلارى ۇمىتكەرلەر ونەرىن باعالاۋ كەزىندە ولاردىڭ: كوركەم ءماتىندى وقۋ شەبەرلىگىنە; داۋىس مانەرىنە جانە ءتىل تازالىعىنا; ءماتىندى تاڭداۋ تالعامىنا; ساحنادا ءوزىن-ءوزى ۇستاۋىنا; كيىم سانىنە باسا نازار اۋدارادى. 9. بايقاۋ جەڭىمپازدارى باس جۇلدەمەن جانە ديپلومدارمەن, باعالى زاتتاي سىيلىقتارمەن ماراپاتتالادى. انىقتاما ءۇشىن مەكەن-جايىمىز: 01000, استانا قالاسى, «مينيسترلىكتەر ءۇيى», 15 كىرەبەرىس, قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى, كوركەمسوز وقۋ شەبەرلەرىنىڭ ورالحان بوكەي اتىنداعى ءحىىى رەسپۋبليكالىق بايقاۋىنا. بايلانىس تەلەفوندارى: 8 (7172) 74-05-01, 74-01-84 (تەل/فاكس 74-05-08); E-mail: Abdualieva@mki.kz ەسكەرتۋ: بۇرىنعى رەسپۋبليكالىق بايقاۋلاردىڭ جەڭىمپازدارى بيىل وتكىزىلەتىن بايقاۋلارعا جىبەرىلمەيدى. قازاقستان رەسپۋبليكاسى مادەنيەت مينيسترلىگى ءتىل كوميتەتىنىڭ 2011 جىلعى 31 ناۋرىزداعى № 30 بۇيرىعىنا قوسىمشا «قازاق ءتىلىنىڭ ۇزدىك وقىتۋشىسى» رەسپۋبليكالىق بايقاۋىنىڭ ەرەجەسى قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى مەملەكەتتىك ءتىلدىڭ قولدانۋ اياسىن كەڭەيتۋ جانە دامىتۋ, سونداي-اق مەملەكەتتىك قىزمەتكەرلەرگە قازاق ءتىلى پانىنەن ساباق بەرەتىن وقىتۋشىلاردىڭ ادىستەمەلىك ساۋاتتىلىعىن ارتتىرۋ, قازاق ءتىلىن وقىتۋدىڭ الگوريتمدىك ادىستەرىن قالىپتاستىرۋ, ۇلتتىق پەداگوگيكا پرينتسيپتەرىن جۇزەگە اسىرۋ ماقساتىندا مەملەكەتتىك مەكەمەلەردە قازاق تىلىنەن ساباق بەرەتىن وقىتۋشىلار اراسىندا رەسپۋبليكالىق «قازاق ءتىلىنىڭ ۇزدىك وقىتۋشىسى» بايقاۋىن وتكىزەدى. بايقاۋدىڭ ماقساتى مەن مىندەتتەرى: 1. مەملەكەتتىك ءتىلدىڭ مارتەبەسى مەن ماڭىزىن كەڭىنەن ناسيحاتتاۋ; 2. قازاق تىلىنەن ساباق بەرەتىن وقىتۋشىلاردىڭ قوعامدىق مارتەبەسى مەن كاسىپقويلىعىن, بەدەلىن ارتتىرۋ; 3. كاسىپتىك پەداگوگيكالىق شىعارماشىلىقتى دامىتۋ; 4. وقىتۋشىنىڭ ادىستەمەلىك شەبەرلىگىن شىڭداۋ, ءتىل ۇيرەتۋدىڭ وزىق ادىستەمەسىن ناسيحاتتاۋ, تاراتۋ; 5. پەداگوگيكالىق قىزمەتتەگى يننوۆاتسيالىق تاسىلدەردى قولدانۋ ۇلگىلەرىن انىقتاۋ جانە تاراتۋ; 6. وقىتۋشىلاردىڭ ساباق بەرۋدەگى بىلىكتىلىگى مەن تاجىريبەسىن ساراپتاۋ; 7. مەملەكەتتىك قىزمەتكەرلەرگە قازاق تىلىنەن ساباق بەرۋدىڭ ساپاسى مەن وزگە ۇلت وكىلدەرىنىڭ قازاق ءتىلىن وقىپ-ۇيرەنۋگە دەگەن ىقىلاسى مەن قىزىعۋشىلىعىن ارتتىرۋ. بايقاۋ شارتى: «قازاق ءتىلىنىڭ ۇزدىك وقىتۋشىسى» بايقاۋىنا رەسپۋبليكا اۋماعىندا مەملەكەتتىك مەكەمەلەردە قازاق تىلىنەن ساباق بەرەتىن وقىتۋشىلار قاتىسادى. كونكۋرسقا قاتىسۋشىلارعا قويىلاتىن تالاپتار: - قازاق ءتىلىن وقىتۋدىڭ سالالىق اۆتورلىق باعدارلاماسىن جاساۋ; - وقىتۋشىنىڭ ادىستەمەلىك قورىمەن تانىستىرۋ جانە ونىڭ ءتيىمدى قولدانىلۋىن دالەلدەۋ; - وقىتۋشىنىڭ سالالىق تەرمينولوگيانى ءبىلۋى جانە مەڭگەرۋى; - ءتىل ۇيرەتۋدە وتق-نىڭ (وقىتۋدىڭ تەحنيكالىق قۇرالدارىنىڭ) قولدانىلۋىن كورسەتۋ; - قازاق ءتىلى ساباعى ارقىلى قازاقستاندىق ءپاتريوتيزمدى تاربيەلەۋدىڭ ساباقتاستىق ادىستەمەسىن كورسەتۋ; -ءتىل ۇيرەتۋ بارىسىندا جاعىمدى پسيحولوگيالىق ورتانى قالىپتاستىرۋ جولدارىمەن تانىستىرۋ. بايقاۋ ءۇش كەزەڭدە وتەدى: ءبىرىنشى كەزەڭ – وبلىستىق (قالالىق) دەڭگەيدە وتەدى. وبلىستىق, قالالىق ءتىل باسقارمالارى جانىنان بىلىكتى مامانداردان قازىلار القاسى قۇرىلادى. بايقاۋعا قاتىسۋعا ۇمىتكەر وقىتۋشىلاردىڭ قۇجاتتارى جينالادى, ساراپتالادى. ەكىنشى كەزەڭ – وبلىستىق (قالالىق) تىلدەردى دامىتۋ باسقارمالارى بەكىتكەن كەستەگە سايكەس قازىلار القاسى مۇشەلەرى ىرىكتەۋدەن وتكەن قاتىسۋشىلاردىڭ ساباعىنا قاتىسىپ, جۇمىسىن ساراپتاپ, جۇلدەگەرلەردى انىقتايدى. بايقاۋ قورىتىندىسى بويىنشا جۇلدەگەر اتانعان وقىتۋشىنىڭ قۇجاتتارى ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنا 2011 جىلعى قىركۇيەكتىڭ 20-سىنا دەيىن جولدانادى. ءۇشىنشى كەزەڭ – ۇمىتكەرلەر ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىندا ءوزىنىڭ اۆتورلىق تۇجىرىمداماسى نەگىزىندە ادىستەمەلىك قورىمەن تانىستىرىپ, ساباق ۇلگىلەرىن كورسەتەدى. كوميسسيا قورىتىندىسى بويىنشا جۇلدەلى ورىندارعا يە بولعان وقىتۋشىلار ديپلومدارمەن, باعالى سىيلىقتارمەن ماراپاتتالادى. مەكەن-جايىمىز: استانا قالاسى, بەيبىتشىلىك كوشەسى, 10-ءۇي. «قازاق ءتىلىنىڭ ۇزدىك وقىتۋشىسى» رەسپۋبليكالىق بايقاۋى. بايلانىس تەلەفوندارى: 8(7172) 74-05-10, 32-31-00, 32-25-72, 32-12-27, 32-23-93 (فاكس), ە-mail: aibolat_1970@mail.ru ەسكەرتۋ: بۇرىنعى رەسپۋبليكالىق بايقاۋلاردىڭ جەڭىمپازدارى بيىل وتكىزىلەتىن بايقاۋلارعا جىبەرىلمەيدى. قازاقستان رەسپۋبليكاسى مادەنيەت مينيسترلىگى ءتىل كوميتەتىنىڭ 2011 جىلعى 31 ناۋرىزداعى № 30 بۇيرىعىنا قوسىمشا«ءتىل – بارلىق ءبىلىمنىڭ كىلتى» اتتى ورىس ءتىلى بىلگىرلەرىنىڭ بايقاۋى تۋرالى ەرەجە
قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى جانە قازاقستاننىڭ ورىس قاۋىمى جاستاردى تولەرانتتىلىققا تاربيەلەۋ, تىلدەردى مەڭگەرۋگە دەگەن شىعارماشىلىق قابىلەتتەرىن جانداندىرۋ, سويلەۋ مادەنيەتىنىڭ دەڭگەيىن ارتتىرۋ ماقساتىندا قازاق تىلىندە وقيتىن جاستار اراسىندا ورىس ءتىلى بىلگىرلەرىنىڭ «ءتىل – بارلىق ءبىلىمنىڭ كىلتى» اتتى رەسپۋبليكالىق بايقاۋىن جاريالايدى. بايقاۋعا قاتىسۋعا 14-22 جاس ارالىعىنداعى جاستار شاقىرىلادى. ورىس ءتىلى بىلگىرلەرىنىڭ رەسپۋبليكالىق بايقاۋى 2011 جىلعى ناۋرىز – مامىر ايلارىندا ەكى كەزەڭ بويىنشا وتكىزىلەدى. ءى كەزەڭ – ايماقتىق, ول 2011 جىلعى 10 ناۋرىز – 4 مامىر ارالىعىندا وبلىستار جانە استانا مەن الماتى قالالارى بويىنشا وتكىزىلەدى. ءىى كەزەڭ – رەسپۋبليكالىق, ول 2011 جىلعى مامىردا ءتىل كوميتەتى جانە قازاقستاننىڭ ورىس قاۋىمىنىڭ ۇيىمداستىرۋىمەن استانا قالاسىندا, رەسەي عىلىم جانە مادەنيەت ورتالىعىندا وتەدى. ايماقتىق بايقاۋ كوميسسيالارى رەسپۋبليكالىق بايقاۋعا قاتىسۋشى ۇمىتكەردى انىقتاپ, ونى رەسپۋبليكالىق بايقاۋعا قاتىستىرۋ تۋرالى ءوتىنىش-حاتپەن بىرگە, جيناعان ۇپايلارىنىڭ قورىتىندىلارى تۋرالى حاتتامانى جولدايدى. بايقاۋدىڭ ءبىرىنشى كەزەڭىنىڭ شارتتارى: ءبىرىنشى نوميناتسيا: لەكسيكالىق-گرامماتيكالىق تەست. تەست تاپسىرماسىن ورىنداۋ ۋاقىتى – 40 مينۋت. ەكىنشى نوميناتسيا جازباشا جانە اۋىزشا ءبولىمدەردەن تۇرادى: ا) جازباشا ءبولىم: ۇسىنىلعان ءۇش تاقىرىپتىڭ بىرىنە ەسسە جازۋ; ءا) اۋىزشا ءبولىم: قاتىسۋشىلار ەلتانۋ, لينگۆيستيكا, ادەبيەت بولىمدەرى بويىنشا ۆيكتورينا سۇراقتارىنا جاۋاپ بەرەدى; ءۇشىنشى نوميناتسيا: كەز-كەلگەن جانرداعى ءماتىندى مانەرلەپ وقۋ ء(ۇي تاپسىرماسى). بايقاۋدىڭ ەكىنشى كەزەڭىنىڭ شارتتارى: - «جەتى جۇرتتىڭ ءتىلىن ءبىل, جەتى ءتۇرلى ءبىلىم ءبىل» اتتى اۋىزشا تانىستىرىلىم (ەلەكتروندى جانە باسقا نۇسقالارى, 3-5 مين.); - «ءتىل – بابالار مۇراسىنىڭ باستاۋى» ورىس ءسوز ونەرىن بىلۋگە ارنالعان تەست. ورىنداۋ ۋاقىتى – 30 مينۋت; - ورىس ادەبيەتى كلاسسيكتەرىنىڭ شىعارمالارى ۇزىندىلەرىنىڭ مازمۇنىن زاماناۋي تەاترلاندىرىلعان ينتەرپرەتاتسيادا بايانداۋ ء(ۇي تاپسىرماسى). ورىنداۋ ۋاقىتى 5 مينۋتتەن اسپاۋى كەرەك - شىعارماشىلىق تاپسىرما «شابىت جۇلدىزى»: حالىق اسپاپتارىندا ويناۋ, ۇلتتىق ءان, بي, كوركەمسوز وقۋ جانە ت.ب. ورىنداۋ ء(ۇي تاپسىرماسى). ورىنداۋ ۋاقىتى – 5-7 مين. رەسپۋبليكالىق كەزەڭنىڭ جەڭىمپازدارى باعالى سىيلىقتارمەن جانە ديپلومدارمەن ماراپاتتالادى. بايقاۋعا ورىس تىلىندە وقىتاتىن وقۋ ورىندارىندا جانە «ورىس فيلولوگياسى» ماماندىعى بويىنشا جوعارى وقۋ ورىندارىندا ءبىلىم الاتىن, سونداي-اق ارنالعان الدىڭعى بايقاۋلاردىڭ جەڭىمپازدارى مەن جۇلدەگەرلەرى قاتىستىرىلمايدى. بايلانىس تەلەفوندارى: 8(717/2) 740510 استانا قالاسى.ۇيىمداستىرۋ كوميتەتى.
