فرانتسيانىڭ قازاقستانداعى مادەني كۇندەرى مارەسىنە جەتتى
فرانتسيانىڭ قازاقستانداعى مادەني كۇندەرى اياسىندا الماتىدا جۇرگەن فرانتسۋزدار بۇل جولى كۋرورتتىق سەن-تروپە قالاسىنىڭ سالتاناتتى لەبىن الىپ كەلىپتى. سول سياقتى ايتۋلى كۇندەر اياسىندا ءوزىن فرانتسۋزدىق دەپ ەسەپتەۋگە حاقىسى بار 60-قا جۋىق كومپانيا The Ritz Carlton قوناقۇيىندە اشىلعان ەكىنشى حالىقارالىق «Regard de France» كورمەسىنەن ورىن الدى.
قازاقتار مەن فرانتسۋزداردىڭ دوستىعىن دانەكەرلەۋگە ۇمتىلعان وسىنداي مادەني كۇندەر جاقسى داستۇرگە اينالىپ كەلەدى. جوعارىدا اتاپ وتكەنىمىزدەي, بيىلعى مادەني شارالار شەڭبەرىندە سەن-تروپە قالاسى كوبىرەك ناسيحاتتالدى. ءمادەني كۇندەردىڭ باستالۋىمەن ورايلاس الماتىداعى Intercontinental قوناقۇيىندە «Welcometo Saint-Tropez» اتتى تۇساۋكەسەر شارالار ءوتىپ, وعان وسى باعىتتاعى ءتۋريزمدى دامىتۋعا مۇددەلى 40 شاقتى تۋريستىك اگەنتتىكتەر قاتىستى.
باق وكىلدەرىمەن كەزدەسۋدەن باستاۋ العان فرانتسيانىڭ مادەني كۇندەرىندە سەن-تروپە قالاسىنىڭ تۋريزم جونىندەگى ۆيتسە-مەرى انري پرەۆو-اللار مىرزا بۇل قالانىڭ ارتىقشىلىعى جايلى قىزىقتى اڭگىمەلەي وتىرىپ: «سەن-تروپەدە ايەلدەر ءۇشىن كۇندە مەرەكە. بۇل قالادا قىز-كەلىنشەكتەرگە كورسەتىلەتىن سىيلاستىق پەن قۇرمەت ەرەكشە!» – دەدى. سونداي-اق, جۋرناليستەرمەن ەمەن-جارقىن سۇحباتتاسقان انري پرەۆو-اللار الەم كورەرمەندەرىنىڭ ەرەكشە قوشەمەتىنە بولەنگەن ايگىلى فيلمدەردىڭ بىرقاتارى سەن-تروپەدە تۇسىرىلگەنىن بايانداي كەلە, قازاق كينەماتوگرافيستەرىن وسى قالاعا شاقىردى.
سول سياقتى فرانتسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن مەن فرانتسيانىڭ قازاقستانداعى باس كونسۋلى پاتريك رەنار مىرزالار ەكى ەلدىڭ بارلىق باعىتتاعى بايلانىستارىنىڭ ىلگەرىلەۋى مەن كەدەرگىلەرىنە قاتىستى ساۋالدارعا جاۋاپ بەردى.
بۇل جولى لاۋازىمدى دەلەگاتسيا الىپ كەلگەن سىيلىقتاردىڭ ىشىندە الماتىلىقتارعا ايگىلى فرانتسۋز اكتريساسى بريدجيت باردونىڭ ومىرىنە ارنالعان «ايەلدى قۇداي جاراتقان» كورمەسى ۇنادى. مادەني كۇندەر اياسىندا سەن-تروپە قالاسىنىڭ ماقتانىشىنا اينالعان اكتريسا باستى رولدە ويناعان رەجيسسەر روجە ۆاديمنىڭ «ايەلدى قۇداي جاراتقان» كوركەم ءفيلمى ۇسىنىلدى.
ەكى ەلدىڭ بايلانىسىن بەكەمدەۋگە باعىتتالعان شارالار لەگى كەلەسى كۇندەرى شىمبۇلاقتا جالعاستى. ال كوكتوبەدە جاڭادان اشىلعان «اباي» مەيرامحاناسىندا سەن-تروپە قالاسىنداعى ايگىلى بيبلوس قوناقۇيىنىڭ ماقتاۋلى اسپازدارى قوناقتارعا بار ونەرىن كورسەتتى.
فرانتسيانىڭ قازاقستانداعى كەزەكتى مادەني كۇندەرى اياسىندا بىرقاتار ىسكەرلىك كەزدەسۋلەر ۇيىمداستىرىلدى.
ايناش ەسالي,
«ەگەمەن قازاقستان»
الماتى
فرانتسيانىڭ قازاقستانداعى مادەني كۇندەرى اياسىندا الماتىدا جۇرگەن فرانتسۋزدار بۇل جولى كۋرورتتىق سەن-تروپە قالاسىنىڭ سالتاناتتى لەبىن الىپ كەلىپتى. سول سياقتى ايتۋلى كۇندەر اياسىندا ءوزىن فرانتسۋزدىق دەپ ەسەپتەۋگە حاقىسى بار 60-قا جۋىق كومپانيا The Ritz Carlton قوناقۇيىندە اشىلعان ەكىنشى حالىقارالىق «Regard de France» كورمەسىنەن ورىن الدى.
قازاقتار مەن فرانتسۋزداردىڭ دوستىعىن دانەكەرلەۋگە ۇمتىلعان وسىنداي مادەني كۇندەر جاقسى داستۇرگە اينالىپ كەلەدى. جوعارىدا اتاپ وتكەنىمىزدەي, بيىلعى مادەني شارالار شەڭبەرىندە سەن-تروپە قالاسى كوبىرەك ناسيحاتتالدى. ءمادەني كۇندەردىڭ باستالۋىمەن ورايلاس الماتىداعى Intercontinental قوناقۇيىندە «Welcometo Saint-Tropez» اتتى تۇساۋكەسەر شارالار ءوتىپ, وعان وسى باعىتتاعى ءتۋريزمدى دامىتۋعا مۇددەلى 40 شاقتى تۋريستىك اگەنتتىكتەر قاتىستى.
باق وكىلدەرىمەن كەزدەسۋدەن باستاۋ العان فرانتسيانىڭ مادەني كۇندەرىندە سەن-تروپە قالاسىنىڭ تۋريزم جونىندەگى ۆيتسە-مەرى انري پرەۆو-اللار مىرزا بۇل قالانىڭ ارتىقشىلىعى جايلى قىزىقتى اڭگىمەلەي وتىرىپ: «سەن-تروپەدە ايەلدەر ءۇشىن كۇندە مەرەكە. بۇل قالادا قىز-كەلىنشەكتەرگە كورسەتىلەتىن سىيلاستىق پەن قۇرمەت ەرەكشە!» – دەدى. سونداي-اق, جۋرناليستەرمەن ەمەن-جارقىن سۇحباتتاسقان انري پرەۆو-اللار الەم كورەرمەندەرىنىڭ ەرەكشە قوشەمەتىنە بولەنگەن ايگىلى فيلمدەردىڭ بىرقاتارى سەن-تروپەدە تۇسىرىلگەنىن بايانداي كەلە, قازاق كينەماتوگرافيستەرىن وسى قالاعا شاقىردى.
سول سياقتى فرانتسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن مەن فرانتسيانىڭ قازاقستانداعى باس كونسۋلى پاتريك رەنار مىرزالار ەكى ەلدىڭ بارلىق باعىتتاعى بايلانىستارىنىڭ ىلگەرىلەۋى مەن كەدەرگىلەرىنە قاتىستى ساۋالدارعا جاۋاپ بەردى.
بۇل جولى لاۋازىمدى دەلەگاتسيا الىپ كەلگەن سىيلىقتاردىڭ ىشىندە الماتىلىقتارعا ايگىلى فرانتسۋز اكتريساسى بريدجيت باردونىڭ ومىرىنە ارنالعان «ايەلدى قۇداي جاراتقان» كورمەسى ۇنادى. مادەني كۇندەر اياسىندا سەن-تروپە قالاسىنىڭ ماقتانىشىنا اينالعان اكتريسا باستى رولدە ويناعان رەجيسسەر روجە ۆاديمنىڭ «ايەلدى قۇداي جاراتقان» كوركەم ءفيلمى ۇسىنىلدى.
ەكى ەلدىڭ بايلانىسىن بەكەمدەۋگە باعىتتالعان شارالار لەگى كەلەسى كۇندەرى شىمبۇلاقتا جالعاستى. ال كوكتوبەدە جاڭادان اشىلعان «اباي» مەيرامحاناسىندا سەن-تروپە قالاسىنداعى ايگىلى بيبلوس قوناقۇيىنىڭ ماقتاۋلى اسپازدارى قوناقتارعا بار ونەرىن كورسەتتى.
فرانتسيانىڭ قازاقستانداعى كەزەكتى مادەني كۇندەرى اياسىندا بىرقاتار ىسكەرلىك كەزدەسۋلەر ۇيىمداستىرىلدى.
ايناش ەسالي,
«ەگەمەن قازاقستان»
الماتى
