اۋعانستان پرەزيدەنتىنىڭ قولداۋى

اۋعانستان پرەزيدەنتى موحامماد اشراف عاني قازاقستاندا جۇرگىزىلىپ جاتقان ساياسي رەفورمالارعا قولداۋ ءبىلدىردى. بۇل تۋرالى ەلىمىزدىڭ سىرتقى ساياسات ۆەدومستۆوسىنىڭ ءباسپاسوز قىزمەتى حابارلادى. جۋىردا قازاقستاننىڭ اۋعانستان­داعى توتەنشە جانە وكىلەتتى ەلشىسى ءومىر­تاي ءبىتىموۆ اۋعانستان يسلام رەس­پۋب­ليكاسىنىڭ پرەزيدەنتى موحامماد اشراف عانيمەن كەزدەستى. كەزدەسۋ بارىسىندا قازاقستاندىق ديپلومات اۋعانستان پرەزيدەنتىنە «قازاقستان رەسپۋبليكاسىنىڭ تاۋەلسىزدىگىنە – 25 جىل» مەرەيتويلىق مەدالىن تاپسىردى. سونىمەن قاتار, ول موحاممەد اشراف عانيگە شانحاي ىنتىماقتاستىق ۇيىمىنىڭ سامميتىنە جانە يسلام ىنتىماقتاستىعى ۇيىمىنىڭ استانادا وتەتىن عىلىم جانە تەحنولوگيالار ءجو­نىن­دەگى سامميتىنە شاقىرۋدى تابىس ەتتى. ءومىرتاي ءبىتىموۆ اۋعانستان پرەزي­دەنتىن قازاقستانداعى ماڭىزدى ساياسي-ەكونوميكالىق ۇدەرىستەرمەن جانە مەملەكەت باسشىسىنىڭ باستاماسىمەن قولعا الىنعان باسقا دا باسىمدىقتارمەن تانىستىردى. سونداي-اق, ەلباسىنىڭ حالىققا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى تۋرالى دا جان-جاقتى اڭگىمە قوزعادى. ءوز كەزەگىندە ا.عاني قازاقستان پرە­زي­دەنتىنە قۇرمەتتى ماراپاتى ءۇشىن العىسىن ءبىلدىردى. ول «قازاقستان كوش­باس­شىسىنىڭ مەملەكەتتىك باسقارۋ رەفور­ماسىنا قاتىستى الىستى كوزدەگەن, قازاقس­تاندىق قوعام ينستيتۋتتارىنىڭ ودان ءارى دامۋىنا ىقپال ەتەتىن جوس­پارلارىن» اۋعانستاننىڭ جوعا­رى باعا­لايتىنىن, ونى ءاردايىم قولداي­تىنىن جەتكىزدى. قازاقستان ەلشىسى مەن اۋعانستان پرەزيدەنتى ەكىجاقتى ىنتىماقتاستىقتى ودان ءارى دامىتۋدىڭ وزەكتى ماسەلەلەرىن, اتاپ ايتقاندا, ساۋدا-ساتتىق سالا­سىن­داعى ماسەلەلەردى, قازاقستاننىڭ استىعىن, اۋعانستاننىڭ كوكونىسى مەن جەمىس-جيدەگىن ەكى جاققا تاسىمالداۋ بارىسىن, تەمىر جول تاسىمالىن دامىتۋ جولدارىن, ەكى ەل اراسىنداعى تاۋار اينالىمىنىڭ كولەمىن ۇلعايتۋدىڭ جاي-كۇيىن تالقىلادى.