وتاندىق ءبىلىم بەرۋ ماسەلەلەرى زەردەلەندى

الەۋمەتتىك-مادەني دامۋ جانە عىلىم كوميتەتىنىڭ ءتورا­يىمى بىرعانىم ءايتىموۆا باستاعان سەنات دە­پۋتاتتارى ۆياچەسلاۆ ورتا مەكتەبى جانە «ارناساي» جا­سىل تەحنولوگيا ورتالىعىنىڭ جۇمىسىمەن تانىس­تى, دەپ حابارلادى سەناتتىڭ ءباسپاسوز قىزمەتى. مەملەكەتتىك ور­گان­دار­دىڭ, «جاسىل ەكونو­مي­­­كاعا جانە G-global-دى دامى­­تۋعا ارنالعان كوا­لي­تسيا» زاڭدى تۇلعالار بىرلەس­­تىگى باسشىلىعىمەن جانە «ارناساي» جاسىل تەح­نو­­لوگيالار ورتالىعى قىزمەت­­كەر­لەرىمەن كەزدەسۋدە ب.ءاي­تىموۆا قازاقستان رەسپۋب­­ليكاسىنىڭ پرەزي­دەنتى ن.نازارباەۆ جاريا ەتكەن «بەس ينستيتۋتتىق رە­فور­­مانى ىسكە اسىرۋ ءجو­نىن­دەگى «100 ناقتى قادام» ۇلت جوسپارىن ورىنداۋ ءجونىن­­دەگى پارلامەنتتىڭ قىز­مەتى تۋرالى اڭگىمەلەدى. سەنات كوميتەتىنىڭ باسشىسى مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسە­كەگە قابىلەتتىلىك» جول­داۋى­­نىڭ باسىمدىقتارىن زاڭ­­نا­مالىق تۇرعىدا قامتا­ماسىز ەتۋ ماسەلەسىنە نازار اۋدار­دى. سەناتورلار جاڭا تەح­نو­لوگيالار قولدا­نى­­لا­تىن ورتالىقتىڭ قىز­مەتى­­مەن تانىستى, دامۋ كە­لە­شەگى بەلگىلەندى. ب.ءاي­تى­­موۆا بۇل كەشەن قا­زاق­ستان پرە­زيدەنتىنىڭ جول­داۋ­ىنداعى ءتورتىنشى با­سىم­دىق – ادامي كاپيتال تۇرعىسىنان دا, ەكس­پو-2017 كورمەسىنىڭ ماق­سات­­تارىن ىسكە اسىرۋ تۇرعى­سىنان دا تارتىمدى ەكەنىن اتاپ ءوتتى. بۇگىندە مەملەكەتتىك ورگان­داردىڭ, «G-global» حالىقارالىق حاتشى­لى­­عىنىڭ, بۇۇ-نىڭ قازاق­­ستان­داعى دامۋ باعدار­لا­ماسىنىڭ جانە باس­قا­لاردىڭ قولداۋىمەن قۇ­رىلعان جاسىل ەكونوميكاعا كوشۋ جونىندەگى تۇجى­رىم­دامانى ىسكە اسىرۋعا بايلانىس­تى 25 جوبا جۇزەگە استى. ەلدەگى ءتۇرلى سا­ناتتاعى تۇرعىنداردى وقىتۋعا, شاعىن جانە ورتا بيزنەس سۋبەكتىلەرىنىڭ, سونداي-اق جەرگىلىكتى ات­قا­­رۋشى ورگانداردىڭ «جا­­سىل» تەحنولوگيانى ءىس جۇزىندە پايدالانۋ ءجونىن­دە جۇيەلى ءبىلىم الۋ­عا ءمۇم­كىندىك تۋىپ وتىر. ودان باسقا, ورتا­لىق جوس­پارى بويىنشا بۇل جو­بالار «EXPO-camp» ورتا­لى­عىنىڭ جازعى لا­گەرى جۇ­مىسىنىڭ اياسىن­دا ەكسپو-2017 حالىق­ارا­لىق كورمەسى مەيمان­دارى­نىڭ نا­زارىنا ۇسىنىلادى. ۆياچەسلاۆ ورتا مەكتەبى ديرەكتورىنىڭ ورىنباسارى ەلەنا مولەشكوۆا پارلامەنتشىلەردى مەكتەپ جۇمىسىمەن تانىستىردى جانە بۇل وقۋ ورنىندا بيۋدجەت قارجىسىن ەلەۋلى تۇردە ۇنەمدەۋگە مۇمكىندىك بەرەتىن جاسىل تەحنولوگيا­لاردى ەنگىزۋدەگى نەگىزگى كور­سەتكىشتەر تۋرالى اڭگى­مەلەپ, قازىرگى وزەكتى ماسە­لەلەردى ايتىپ بەردى. كەزدەسۋ بارىسىندا وتاندىق ءبىلىم بەرۋدىڭ قا­زىر­گى جاعدايى, وزەكتى ماسە­لە­لەرى مەن كەلەشەكتەگى دا­مۋى تۋرالى مۇددەلىلىك تۇر­­عىسىندا تالقىلاۋ بولدى. ب.ءايتىموۆا جۇزدەسۋدى قورىتىندىلاي كەلىپ, وقۋ ورنىنداعى جاڭا­لىق­تارمەن سەناتورلاردىڭ تانىسۋىمەن قاتار, تۇتاستاي سالا­نىڭ جاعدايىنان حاباردار بولعانىن اتاپ ءوتتى. اي­تىلعان ۇسىنىستار ءبىزدىڭ ەلىمىزدەگى ءبىلىم بەرۋ جانە عىلىم سالاسىنداعى زاڭنا­مانى قالىپتاستىرۋ بارى­سىندا ەسكەرىلەتىنى ايتىلدى. شاراعا الەۋمەتتىك-ءما­دەني دامۋ جانە عىلىم كو­ميتەتىنىڭ مۇشە­لەرى اقان بيجانوۆ, ءالي بەكتاەۆ, نۇر­­­­لان قىلىشباەۆ جانە ءتو­لەۋبەك مۇقاشەۆ قاتىس­تى.