بيۋرو وتىرىسى ءوتتى

ءماجىلىس توراعاسى نۇرلان نىعماتۋليننىڭ باسشىلىعىمەن پالاتانىڭ بيۋرو وتىرىسى ءوتتى. وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. ول بويىنشا ءماجىلىس دە­پۋ­تاتتارى سەربيامەن حالىق­ارالىق اۆتوموبيل قاتىناسى تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسىن قاراماق. كەلىسىم قازاقستان مەن سەربيا اراسىنداعى حالىق­ارا­لىق اۆتوموبيل قاتىنا­سىندا جولاۋشىلار مەن جۇك­تەر­دىڭ تاسىمالىن, ولار­دىڭ اۋماقتارى ارقىلى ءترانزيتتى, سونداي-اق, وسىنداي تاسى­مال­داردى ورىن­­­داۋعا رۇقسات بەرىل­گەن تاسى­مال­­داۋ­شى­لاردىڭ جوعا­رىدا اتال­عان مەملەكەتتەردىڭ اۋماق­تارىندا تىركەلگەن كولىك قۇرال­دارىمەن ءۇشىنشى ەلدەرگە تاسىمالدارىن رەتتەيدى. سونداي-اق, جالپى وتىرىس­تا دەپۋتاتتار مادەنيەت ءما­سەلە­لەرىنە تۇزەتۋلەرگە قاتىس­تى زاڭ جوباسىن ەكىنشى وقى­لىمدا قارايدى دەپ كۇتىلۋدە.