ەل گازەتىندەگى ىرگەلى جوبالار تانىستىرىلادى

«ەگەمەن قازاقستان» ۇلىستىڭ ۇلى كۇنى – ناۋرىز مەرەكەسى قارساڭىندا, قوعامدىق ءمان-ماڭىزى زور بىرقاتار اقپاراتتىق-يميدجدىك جوبالاردىڭ تانىستىرىلىمىن جاساۋدى جوسپارلاپ وتىر. تسيفرلى قازاقستان باعدارلاماسىنىڭ جوباسى اياسىندا ىسكە اسىرىلاتىن شارالاردىڭ العاشقىسى – «ەگەمەن قازاقستان» گازەتىنىڭ ارحيۆتەگى بارلىق ءنومىرىن تۇگەندەۋ جانە تۇگەلدەي تسيفرلى نۇسقاعا كوشىرۋ. بۇل جۇمىستار باس باسىلىمنىڭ 100 جىلدىق مەرەيتويىنا وراي قولعا قولعا الىنعان بولاتىن. جوبا اياسىندا گازەتتىڭ 1919 جىلى 17 جەلتوقساندا العاش «ۇشقىن» دەگەن اتاۋمەن شىققان كەزىنەن باستاپ, «ەڭبەك تۋى», «ەڭبەكشىل قازاق», «ەڭبەكشى قازاق», «سوتسيالدى قازاقستان», «سوتسياليستىك قازاقستاننان» «ەگەمەن قازاقستانعا» دەيىنگى تسيفرلى مۇراعاتى جيناقتالادى. «ەگەمەن قازاقستان» گازەتى تانىستىراتىن ەكىنشى جوبا «تسيفرلى قازاقستان: ماڭگىلىك ەل مۇرالارى» دەپ اتالادى. ۋيكي-ءبىلىم قورىمەن بىرلەسىپ اتقارىلاتىن بۇل جوبا ەلىمىزدىڭ عالامتورداعى اقپاراتتىق-يميدجدىك بەت-بەينەسىنىڭ تانىلىمىن ارتتىرۋعا باعىتتالعان. مۇندا «ەگەمەننىڭ» اسا باي فوتومۇراعاتىندا ساقتالعان, ەل تاريحىنان, تاۋەلسىزدىكتىڭ سىندارلى ساتتەرى مەن جارقىن جەتىستىكتەرىنەن حابار بەرەتىن, سونداي-اق ەلباسى مەن وزگە دە كورنەكتى مەملەكەت جانە قوعام قايراتكەرلەرى, قازاقستاننىڭ قالالارى مەن كورىكتى مەكەندەرى تۋرالى سيرەك فوتوسۋرەتتەر عالامتور پايدالانۋشىلارىنا ۇسىنىلاتىن بولادى. بۇل جوبانىڭ ءبىر ارتىقشىلىعى - تسيفرلى قالىپقا كوشىرىلگەن سۋرەتتەر Wikimedia Commons رەپازيتوري جۇيەسىنە جۇكتەلەدى. سونداي-اق وسى كۇنى egemen.kz جاڭا پورتالىنىڭ جوباسى تانىستىرىلادى. اتالعان پورتال زامان تالابىنا ساي سوڭعى مۋلتيمەديالىق مۇمكىندىكتەردى ەسكەرە وتىرىپ ازىرلەنگەن. ءىس-شارا ناۋرىزدىڭ 13-ءى كۇنى استاناداعى ۇلتتىق اكادەميالىق كىتاپحانادا ساعات 11.00-دە باستالادى. كەلەم دەۋشىلەرگە ەسىك اشىق.