بوكسشى ايدار شارىباەۆتىڭ قارسىلاسى انىقتالدى

قازاقستاندىق كاسىپقوي بوكسشى ايدار شارىباەۆتىڭ كەلەسى قارسىلاسى انىقتالدى. ول اقش-تىڭ مايامي قالاسىندا 17 ناۋرىز كۇنى مەكسيكالىق گابينو گوتامەن جۇدىرىقتاسادى, دەپ حابارلادى vesti.kz. جەڭىل سالماق دارەجەسىندە وتەتىن جەكپە-جەك التى راۋندقا سوزىلادى. «قارسىلاسىمدى ۇزاق تاڭدادىق. نەبارى 23 جاستا بولسا دا وتە تاجىريبەلى سپورتشى. كاسىپقوي رينگكە شىققانىنا التى جىل بولعان. ارينە, وزىمە ءوزىم سەنىمدىمىن. جەڭىسكە جەتۋ ءۇشىن بارىمدى سالامىن. چەمپيوندىق اتاققا اپارار جەكپە-جەكتەردىڭ ءبىرى بولايىن دەپ تۇر. مەنى الدا ناعىز سىن ساعاتى كۇتىپ تۇرعانى انىق», – دەدى ايدار شارىباەۆ. جەرلەسىمىز ماياميدەگى Moro’s Gym زالىندا كۋبالىق باپكەر وسميري فەرناندەستىڭ قاراماعىندا دايىندالىپ ءجۇر. جاتتىعۋ جۇمىستارى كەزىندە لوندون وليمپياداسىنىڭ چەمپيونى ليۋك كەمپبەلمەن سپاررينگتىك جەكپە-جەك وتكىزگەن. ايتا كەتەيىك, ايدار شارىباەۆ كاسىپقوي بوكستا ءتورت كەزدەسۋ وتكىزىپ, بارىندە جەڭىسكە جەتكەن. ونىڭ ۇشەۋىن ۋاقىتىنان بۇرىن اياقتاعان بولاتىن. BoxRec رەيتينگىندە 253-ورىندا كەلەدى. ال گابينو گوتا 27 رەت رينگكە شىعىپ, 19 كەزدەسۋىن جەڭىسپەن اياقتاعان. سونداي-اق, بىرەۋىندە تەڭ تۇسسە, قالعان التاۋىندا قارسىلاسىنا ەسە جىبەرگەن. رەيتينگتە 187-ورىندا تۇر.