وقو-نىڭ ءۇش اۋدانى ەندى تاۋ سۋىن پايدالانادى

 جەتى ءجۇز مىڭعا جۋىق حالقى بار ماقتاارال, سارىاعاش جانە قازىعۇرت اۋداندارىنىڭ حالقى ەندى تاۋ سۋىن پايدالانادى. بۇعان دەيىن بۇل اۋدان حالقىنىڭ دەنى وزبەكستاننان كەلەتىن كانالدار سۋى جانە مينەرالدىعى جوعارى سۋدى تۇتىنىپ كەلدى. ەكەۋىندە دە قاۋىپ جوعارى. ويتكەنى, كورشى ەلدەن ارىق ارقىلى كەلەتىن سۋ سانيتارلىق تالاپقا ساي كەلمەيدى. قازاقستان تاۋلارىنان باستاۋىن الاتىن وگەم وزەنىنىڭ ۇزىندىعى 80 شاقىرىمعا دەيىن جەتەدى. وزبەكستاننىڭ شىرشىق وزەنىنە قۇياتىن وگەمدە سۋ قورى مول, ورتاشا كولەمى 664 ملن. تەكشە مەتر. ترانسشەكارالىق وگەم وزەنىنەن 3-3,5 م3/سەك كولەمدە سۋ الۋ ماسەلەسى قازاقستان رەسپۋبليكاسى مەن وزبەكستان رەسپۋبليكاسىنىڭ اراسىندا سۋ قاتىناستارىنىڭ بارلىق باعىتتارىنداعى ەكىجاقتى ىنتىماقتاستىقتى جەتىلدىرۋ ماسەلەلەرى بويىنشا ەكى ەل وكىلدەرىنىڭ جۋىردا بىرلەسكەن جۇمىس توبىنىڭ وتىرىسىندا كەلىسىلدى.   باقتيار تايجان, «ەگەمەن قازاقستان». وڭتۇستىك قازاقستان وبلىسى