قالا جانە اۋىل تۇرعىندارى شاعىن نەسيە الا الادى. ونىڭ سوماسى 3 ملن تەڭگەدەن 18 ملن تەڭگەگە دەيىن ۇلعايتىلعان. مەرزىمى بۇرىنعىسىنشا 5 جىل بولىپ قالۋدا جانە سوڭعى تۇتىنۋشىعا دەيىن جىلدىق 6%-بەن جەتۋى ءتيىس. بۇل تۋرالى قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قر ۇكىمەتىندە وتكەن ءباسپاسوز كونفەرەنتسياسىندا حابارلادى, دەپ جازادى strategy2050.kz.
«بۇرىن «جول كارتاسى» اياسىندا ءبىز اۋىلداردى عانا قارجىلاندىرىپ, نەسيەلەندىرگەن بولساق, ەندى قالالاردا دا شاعىن نەسيەلەر بەرىلەتىن بولادى. ونىڭ سوماسى 3 ملن تەڭگەدەن 18 ملن تەڭگەگە دەيىن ۇلعايتىلعان. مەرزىمى بۇرىنعىسىنشا 5 جىل بولىپ قالۋدا جانە سوڭعى تۇتىنۋشىعا دەيىن جىلدىق 6%-بەن جەتۋى ءتيىس. ياعني ەگەر ادام ءوز بيزنەسىن اشاتىن بولسا, 18 ملن تەڭگەگە دەيىن نەسيە الا الادى», - دەدى ت. دۇيسەنوۆ.
سونداي-اق, ول كەپىلدىك بەرۋ نەسيە الۋداعى جاڭا قۇرالعا اينالعانىن اتاپ ءوتتى.
«نەسيە الۋدىڭ تاعى ءبىر مۇمكىندىگى كەپىلدىك الۋ, بۇرىن بىزدە مۇنداي قۇرال بولماعان. ەگەر ادام العاش رەت ءوز ءىسىن اشاتىن بولسا, وعان الىناتىن نەسيە سوماسىنىڭ 85%-ى مولشەرىندە كەپىلدىك بەرىلەدى, ال ەگەر ادام بيزنەسپەن اينالىسىپ جۇرسە, ونىڭ نەسيە قۇنىنىڭ 50 %-ى كەپىلدەندىرىلۋى مۇمكىن», - دەپ اتاپ ءوتتى ت. دۇيسەنوۆا.
