كولەڭكەلى ەكونوميكامەن اينالىسقاندارعا جازانى كۇشەيتۋ ۇسىنىلۋدا

قر باس پروكۋرورىنىڭ ورىنباسارى مارات احمەتجانوۆ كولەڭكەلى ەكونوميكا سالاسىنداعى قىلمىستارعا جاۋاپكەرشىلىكتى قاتاڭداتۋدى ۇسىندى, دەپ حابارلايدى قازاقپارات. «ەكونوميكالىق قىزمەت سالاسىنداعى كولەڭكەلى ەكونوميكا بەلگىلەرى بار قىلمىستىق زاڭبۇزۋشىلىقتار سالاسىنداعى زاڭنامادا جەمقورلىق, لاڭكەستىك جانە ەكسترەميستىك قىلمىستار ۇقساستىعى بويىنشا نورمالاردى جاساقتاۋ قاجەت», - دەدى ول بۇگىن قر پارلامەنتى سەناتىندا ەكونوميكالىق قىلمىستاردى الدىن الۋعا قاتىستى وتكەن دوڭگەلەك ۇستەلدە. ونىڭ سوزىنشە, كولەڭكەلى ەكونوميكا سالاسىندا جاۋاپكەرشىلىكتىڭ ارتتىرىلۋى وزگە ەكونوميكالىق زاڭبۇزۋشىلىقتاردىڭ قۇرامىن ىزگىلەندىرۋگە جول اشادى. «بۇل, ءوز كەزەگىندە, بيزنەس-كليماتتى جاقسارتۋ جانە كاسىپكەرلەرگە سالىناتىن قىسىمدى ازايتۋ ماقساتىندا مەملەكەت باسشىسىنىڭ ەكونوميكا سالاسىنداعى زاڭبۇزۋشىلىقتاردى ىزگىلەندىرۋ جونىندەگى تاپسىرماسىن ورىنداۋعا سەپتىگىن تيگىزەدى», - دەدى احمەتجانوۆ. وسىعان بايلانىستى ول, كولەڭكەلى ەكونوميكامەن بايلانىستى قىلمىستىق قۇرامداردى جەكە ءبولىپ, ولارعا جاۋاپكەرشىلىكتى قاتاڭداتۋدى ۇسىندى.