قر-داعى شاعىن جانە ورتا بيزنەستىڭ بەت الىسى جانە ءىجو-گە ۇلەسى

قازاقستان ىشكى جالپى ونىمىندەگى شاعىن جانە ورتا بيزنەستىڭ ۇلەسى 25,6 پايىزدى قۇراسا, رەسپۋبليكالىق ەڭبەك نارىعىنداعى ۇلەسى 36 پايىز. ال الەم بويىنشا شاعىن جانە ورتا بيزنەستىڭ ىشكى جالپى ونىمدەگى ۇلەسى 63 پايىز ال, ەڭبەك نارىعىنداعى ۇلەسى 47 پايىزدى قۇرايدى. وڭىرلەر بويىنشا ىشكى جالپى ءونىمدى قۇراۋدا شوب-تىڭ ۇلەسى ەڭ كوپ استانا قالاسى (46%), بقو (40%) جانە الماتى قالاسى (29%). شاعىن جانە ورتا بيزنەس قۇرىلىمىنجا جەكە كاسىپكەرلىكتىڭ (جك) ۇلەسى جوعارى. ولار نەگىزىنەن جوعارى بىلىكتىلىكتى قاجەت ەتپەيتىن ساۋدا سالالارىندا جۇمى ىستەيدى. ال قازىرگى تاڭدا ءونىمدى جوعارى قوسىمشا قۇنمەن شىعارۋعا, يننوۆاتسيالىق جانە ءتيىمدى تەتىكتەردى ەنگىزۋگە بەت بۇرۋ الەمدىك ترەندكە اينالۋدا. 2017 جىلدىڭ قاڭتار ايى سوڭىندا قازاقستاندا 800 مىڭ جك (جەكە كاسىپكەرلىك) سانالعان. بۇل ەلدەگى جالپى شاعىن جانە ورتا بيزنەس سانىنىڭ 69 پايىزىن قۇرايدى. وتكەن جىلدان بەرى بۇلار 15 پايىزعا ازايعان ەكەن. سونىڭ ىشىندە جەكە كاسىپكەرلىكتەردىڭ 47 پايىزى ساۋدا سالاسىندا. ازيا دامۋ بانكىنىڭ مالىمەتىنشە, قازاقستانداعى جك ونىمدىلىگى وتە تومەن. جك-داعى ءبىر قىزمەتكەردىڭ جىلدىق ءوندىرىس كولەمى 3 مىڭ دوللار بولسا, شاعىن جانە ورتا كاسىپورىنداردا بۇل كورسەتكىش 27 مىڭ دوللارعا جەتەدى. شاعىن كاسىپورىن (زاڭدى تۇلعا) سانى ءبىر جىلدا قازاقستاندا 8 پايىزعا ارتىپ, 191 مىڭدى قۇرادى. شاعىن كاسىپكەرلىكتەردىڭ 30 پايىزى ساۋدادا بولسا, 16 پايىزى قۇرىلىس سالاسىندا. 2015 جىلدان بەرى شاعىن جانە ورتا بيزنەستى قارجىلاندىرۋ قارقىن الا باستادى. 2014 جىلدان بەرى بانكتەردىڭ بەرگەن نەسيەسى 2,3 ەسەگە ارتتى. وتكەن جىلدىڭ قاڭتار ايىمەن سالىستىرعاندا نەسيە كولەمى 29 پاىز ۇلعايىپ, 3 ترلن تەڭگەگە جەتتى. الايدا, ازيا دامۋ بانكىنىڭ مالىمىتەنشە, شاعىن جانە ورتا بيزنەستىڭ تەك 19 پايىزى عانا نەسيە الادى ەكەن. ال قالعاندارىنىڭ قارجىلاندىرۋ كوزدەرىن كاسىپورىن يەلەرى وزدەرى قارىزدانىپ ءجۇرىپ قامتاماسىز ەتەتىن بولىپ شىقتى. وعان سەبەپ بيزنەستىڭ نەسيە تاريحىنىڭ نااشارلىعى نەمەسە قاجەتتى قۇجاتتاردىڭ بولماۋى. نەسيەنىڭ بەرىلەتىن نەگىزگى سالالارى ساۋدا (37%), قۇرىلىس (13%), ونەركاسىپ (13%) جانە ەكونوميكانىڭ نەگىزگى سەكتورىنا كىرمەيتىن وزگە دە سالالار.