شىعىس قازاقستان وبلىسى كۋرچاتوۆ قالاسىنىڭ اكىمى تاعايىندالدى  

  شىعىس قازاقستان وبلىسىنىڭ اكىمى دانيال احمەتوۆتىڭ وكىمىمەن الماس وڭداقانوۆ كۋرچاتوۆ قالاسىنىڭ اكىمى بولىپ تاعايىندالدى. الماس ونداقانوۆ 1974 جىلدىڭ 30 قاراشاسىندا دۇنيەگە كەلگەن. 1995 جىلى جامبىل گيدرومەليوراتيۆتى-قۇرىلىس ينستيتۋتىن ينجەنەر-ەكونوميست ماماندىعى بويىنشا, 1999 جىلى قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك قىزمەت اكادەمياسىن تامامداعان. ەڭبەك جولىن تارباعاتاي اۋدانى اكىمىنىڭ اپپاراتى مەن الەۋمەتتىك قورعاۋ بولىمىندە ينسپەكتور, ەكونوميست رەتىندە باستاعان. مەملەكەتتىك قىزمەت اكادەمياسىن اياقتاعان سوڭ ەنەرگەتيكا, يندۋستريا جانە ساۋدا مينيسترلىگى انتيدەمپينگتىك باقىلاۋ كوميتەتىنىڭ باس مامانى بولىپ تاعايىندالدى. سودان سوڭ كۋرچاتوۆ قالاسىندا اپپارات باسشىسى, شىعىس قازاقستان وبلىسى تەحنيكالىق رەتتەۋ جانە مەترولوگيا كوميتەتى باسقارماسىنىڭ باسشىسى, قازاقستاندىق مەترولوگيا ينستيتۋتىنىڭ  شىعىس قازاقستان وبلىسى بويىنشا بولىمشەسىنىڭ ديرەكتورى بولىپ جۇمىس ىستەدى. 2008 جىلدان باستاپ شىعىس قازاقستان وبلىسى ەنەرگەتيكا جانە كوممۋنالدىق شارۋاشىلىق باسقارماسىندا ءبولىم باسشىسى, باسقارما باسشىسىنىڭ ورىنباسارى, سودان سوڭ باسقارما باسشىسى قىزمەتىندە بولدى. 2013-2016 جىلدارى زايسان اۋدانىن باسقاردى. 2016 جىلدىڭ ماۋسىمىنان وسى ۋاقىتقا دەيىن شىعىس قازاقستان وبلىسى اكىمى اپپاراتىنىڭ باسشىسى قىزمەتىن اتقاردى. ازامات قاسىم, «ەگەمەن قازاقستان»