جاڭعىرتۋ اياسىنداعى ىنتىماقتاستىق

وتتاۆا قالاسىندا قازاقستان پرەزيدەنتى ن.ءا.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا جولداۋىن تالقىلاۋعا ارنالعان دوڭگەلەك ۇستەل ۇيىمداستىرىلدى, دەپ حابارلادى قازاقستاننىڭ كاناداداعى ەلشىلىگى. وعان كانادانىڭ ءۇش نەگىزگى فە­دەرالدى پارتياسى بولىپ تابىلاتىن ليبەرالدى, كون­سەر­ۆاتيۆتى جانە جاڭا دەمو­كراتيالىق پارتيالاردان قاۋىم­دار پالاتاسىنىڭ دەپۋتاتتارى, اتاپ ايتقاندا, شەتەل ىستەرى جانە حالىقارالىق دامۋ كوميتەتىنىڭ توراعاسى – «قازاقستان-كا­نادا» پارلامەنتارالىق ىنتىماقتاستىق توبىنىڭ تەڭ توراعاسى روبەرت نولت, كوميتەت توراعاسىنىڭ ورىنباسارى دين اليسون, كوميتەت مۇشەلەرى دجون ماككەي, پيتەر فراگيسكاتوس, ت.ب. قاتىستى. سونىمەن قاتار, وتىرىسقا كانادا سىرتقى ىستەر مينيسترلىگىنىڭ وكىلدەرى, ونىڭ ىشىندە شىعىس ەۋروپا جانە ەۋرازيا دەپارتامەنتىنىڭ ديرەكتورى كەۆين رەكس, سونداي-اق جەتەكشى تالداۋ ورتالىقتارىنىڭ وكىلدەرى شاقىرىلدى. قازاقستاننىڭ كاناداداعى ەلشىلىگى دايىنداعان ارنايى تۇساۋكەسەردە ەلىمىزدىڭ ءبىرىنشى جانە ەكىنشى جاڭعىرتىلۋى كەزەڭىندەگى ماكروەكونوميكالىق كورسەتكىشتەردىڭ وزگەرۋ ءۇردىسى بويىنشا ينفوگرافيكالار, قازاقستاننىڭ مەملەكەتتىلىگى قالىپتاسۋى مەن ەگەمەندىگى نىعايۋىنىڭ نەگىزگى قادامدارى, پرەزيدەنت ن.ءا.نازارباەۆتىڭ حالىقارالىق باستامالارى تۋرالى اقپارات كولدەنەڭ تارتىلدى. قازاقستاننىڭ كاناداداعى ەلشىسى كونستانتين جيگالوۆ ءوزىنىڭ سوزىندە قازاقستاننىڭ الەۋمەتتىك-ەكونوميكالىق قا­لىپتاسۋى بارىسىندا قوعامدى دەموكراتيا­لاندىرۋ بويىنشا جۇيەلى شارا قولدانىلىپ كەلگەنىن, بەلسەندى سىرتقى سايا­ساتتىڭ ناتيجەسىندە ەلىمىزدىڭ حا­لىق­ارالىق ساحناداعى بەدەلى كۇننەن-كۇنگە وسە ءتۇسىپ وتىر­عانىن اتاپ كورسەتتى. ءۇشىنشى جاڭعىرتۋ شەڭ­بەرىندە مەملەكەت باسشىسى بەلگىلەگەن ماقساتتار مەن ءمىن­دەتتەردى, سونداي-اق قازاق­ستان مەن كانادانىڭ ەكونوميكا قۇرى­لىمىنىڭ ۇقساستىعىن ەسكەرە وتىرىپ, ەنەرگەتيكا, ينۆەس­تيتسيا, مەملەكەتتىك قىزمەتتى رەفورمالاۋ, شاعىن جانە ور­تا بيزنەستى قولداۋ سالالارىن­داعى قازاقستان-كانادا ىنتى­ماق­تاستىعىن ودان ءارى نىعايتۋدىڭ زور الەۋەتىنە نازار اۋدارىلدى. كانادا پارلامەنتشىلەرى قازاقستاننىڭ جەتىستىكتەرى مەن بولاشاق دامۋ باعىتىنا جوعارى باعا بەرىپ, ەكى ەل اراسىنداعى ءوزارا ءتيىمدى ىنتىماقتاستىقتى ىلگەرىلەتۋگە نيەتتى ەكەندىكتەرىن قۋاتتادى. وسىعان بايلانىستى, ۇستىمىزدەگى جىلعى قاڭتار ايىندا كانادا پارلامەنتتىك دەلەگاتسياسىنىڭ استانا قالاسىنا ساپارى شەڭ­بەرىندە پرەمەر-مينيستر ب.سا­عىن­تاەۆ, سەنات توراعاسى ق.تو­قاەۆ, ءماجىلىس توراعاسى ن.نىع­ماتۋلين جانە باسقا دا لاۋازىمدى تۇلعالارمەن ءساتتى كەزدەسۋلەر وتكەنى ايتىلدى. دوڭگەلەك ۇستەلدىڭ قورى­تىن­دىسى بويىنشا بيىل ەكى ەل اراسىنداعى ديپلوماتيالىق قارىم-قاتىناستار قالىپ­تاسۋى­نىڭ 25 جىلدىعىن مەرە­كەلەۋ شەڭبەرىندە بىرقاتار ءبىر­لەسكەن ءىس-شارا وتكىزۋ تۋرالى ۋاعدالاستىققا قول جەتكىزىلدى.