«سپورتشى» – مەنىڭ ەكىنشى ەسىمىم!»

وسى كۇنى پاۆلوداردىڭ داڭقىڭ اسىرىپ جۇرگەن تاڭداۋلى سپورتشىلاردىڭ قاتارىندا داريا ۋسانوۆانىڭ شوقتىعى بيىك. شاڭعىسىن سايلاپ, ۆينتوۆكاسىن مايلاپ, ەل نامىسى سىنعا تۇسەر دودانىڭ تورىنەن تابىلاتىن جەرلەسىمىز – وبلىستىڭ ماقتانىشى. 2017 جىل د.ۋسانوۆا ءۇشىن ءساتتى ورىلۋدە. الدىمەن ال­ماتىدا وتكەن قىسقى ۋنيۆەر­سيادادا كۇمىسپەن كۇپتەلگەن (ارالاس ەستافەتا) ول, ستۋدەنتتەر ويىنىنان كەيىن ىلە جالاۋىن جەلبىرەتكەن قىسقى ازيادادا (ساپپورو, جاپونيا) التىن (ارالاس ەستافەتا) مەن قولا ء(ىز كەسۋ, 10 شاقىرىم) مەدال ەنشىلەدى. بۇگىندە ول الەم كۋبوگى كەزەڭدەرىنە قاتىسۋدا. بياتلوننان قازاقستان ۇلتتىق قۇراماسىنىڭ بەل­دى مۇشەسى د.ۋسانوۆا اۋەل­­­دە جەڭىل اتلەتيكامەن اي­نالىسقان. ونى بۇل سەك­تسياعا اپكەسى ناستيا ەرتىپ اپارىپتى. كەيىن جەڭىل اتلەتيكادان وبلىس قۇراماسىنا الىنعان. ناتيجەسى دە ءتاپ-ءتاۋىر بولىپتى. تەك, كەيىن تاعى دا اپكەسى ناستيانىڭ ۇگىت­تەۋىمەن شاڭعى سپورتىنا بەت بۇرعان. «قىستىگۇنى شاڭعى تەبۋگە باراتىنبىز. اشەيىن, اۋەستىك ءۇشىن. جازدا جەڭىل اتلەتيكا, قىستا شاڭعىنى سەرىك ەتتىم. سويتە تۇرا, شاڭعى جارىسىنان وبلىستىق جارىستارعا قاتىسىپ ءجۇردىم. كەيىن قازاق­ستان چەمپيوناتىندا باق سىنايتىن سپورتشىلاردىڭ قاتارىنا قوسىلدىم. الاي­دا, كورسەتكىشىم تومەن بول­عاندىقتان, جەڭىل اتلەتيكاعا كوڭىل بولگەنىم دۇرىس دەپ شەشتىم. بىراق, كوپ ۇزاماي اپكەمنىڭ اقىل-كەڭەسىمەن شاڭعى سپورتىنا ورالدىم», دەيدى داريا ۋسانوۆا. 2009 جىلى دارياعا بياتلوننان ونەر كورسەتۋ تۋرالى ۇسىنىس تۇسەدى. وسىلايشا, ول سپورتتىڭ اتالعان ءتۇرىن مەڭگەرە باستايدى. جارىس سايىن ناتيجەسى دە جاقسارا بەردى. ۋسانوۆا سول ساتتەن باس­تاپ اياۋلى اناسىن ۇتىپ العان مە­­دالدارىمەن قۋانتىپ كەلەدى. «سوندا عانا مەنىڭ ءومىرىم بياتلون ەكەنىن ۇقتىم. وسى ۋاقىتقا دەيىن سپورتتى باسقا سالاعا اۋىستىرۋ تۋرالى ەش ويلاعان ەمەسپىن. سەبەبى, «سپورتشى» – مەنىڭ ەكىنشى ەسىمىم», دەيدى ول. د.ۋسانوۆا – قىسقى وليم­پياداعا قاتىسقان ساناۋلى پاۆلودارلىق سپورتشىلاردىڭ ءبىرى. ول 2014 جىلى رەسەيدىڭ سوچي قالاسىندا وتكەن وليم­پيا ويىندارىندا ونەر كور­سەتتى. ءدال وسى جىلى الما­تىدا ۇيىمداستىرىلعان ازيا چەمپيوناتىندا كۇمىس ءجۇل­دەگە (ماسس-ستارت) قول جەت­كىزدى. داريا – بياتلوننان حا­لىق­ارالىق دارەجەدەگى سپورت شەبەرى. ەركەبۇلان قىزداربەك, جۋرناليست پاۆلودار