كوكتەمدى سەزدىرگەن كەرىم كەش

ەلورداعا كوكتەمنىڭ ەرتە كەلگەنىن وسى كونتسەرت ۇستىندە سەزىنگەندەي بولدىق. كۇيساندىقتان توگىلگەن اۋەزدى ساز اسەم ۇنمەن ۇيلەسىپ, ىشكى الەمدى ماقپالداي جۇمساق اۋەنىمەن الديلەدى. كوكتەمنىڭ ءوزى ىشتەي ىڭىلداي ايتقان, كوكەيدە بۇلبۇلدان بۇققان ءان ەكەن عوي دەگەن بايلامدى ويعا بەرىلەسىڭ. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە بولعان "كوكتەم سەزىم" اتتى كونتسەرتتە ءدال وسىنداي سەزىمدى باستان كەشىرگەنىمىز راس ەدى. بۇل كەشتە جەكە كونتسەرت يەسى, وپە­را ءانشىسى كەنجەعالي مىر­جىق­با­ەۆ قازاق, شەتەل كوم­پو­زي­تور­لا­رى­نىڭ كوكتەم, ماحاببات, əيەل­دەر­گە ارناپ جازىلعان ۆو­كال­دىق شى­عارمالارىن ورىندادى. زال تولى جاسى, جاسامىسى بار كو­­­­رەر­مەن بۇل جولى انمەن عانا سۋ­سىن­داماي, ءانشىنىڭ جاراسىمدى ءازى­لى مەن تابان استىندا سۋى­رىپ ايت­قان تاپ­قىر شۋماقتارىنا ەزۋ تار­تىپ, جا­دى­­راپ وتىردى. «ءازىل ءتۇبى – ءزىل» دە­مەك­شى, ءانشى اتاق­تى «قار­لىعاش» ءانىن ورىنداعاننان كەيىن, كوكەيىندەگى مۇ­ڭى­مەن دە ءبولىسۋدى ۇمىتپادى. «مىسالى, – دەدى پروفەسسور كەنجەعالي تۇر­سىن­بەك ۇلى, – انەۋبىر ءتورت قىز وسىنى احاڭنىڭ – احمەت جۇبانوۆتىڭ كو­زىن­شە ايتسا, اۆتور ءوز ءانىن ءوزى تانىماي قالار ەدى-اۋ...». فونوگرامما مەن جاندى جەپ اي­تاتىن جاندى داۋىس اراسىنداعى جەر مەن كوكتەي الشاقتىق جايى دا ءسوز بولدى بۇل كەشتە... ءانشى مەن انسۇيەر قاۋ­ىم ارا­سىن­­دا ادەمى باي­­لانىس ورناعان ەدى. اۆتور كونتسەرتتە əر ورىنداعان شى­­­­عار­مانىڭ اتاۋىن, قاي كوم­­­پو­زي­­­تور­­­دىكى جə­­نە ءسوزى كىم­­دىكى ەكە­نىن اتا­­­عان ادامعا ءوزىنىڭ CD كۇي­تا­با­عىن سىيعا تارتىپ وتىردى. كورەرمەن قاۋىمنىڭ پەرىشتە پەيىلىنەن قۋات العان ءانشى ءاربىر ءانىن ارۋلارعا دەگەن ىزەتپەن, انالارعا دەگەن قۇرمەتپەن اسپەتتەي ۇسىندى. سودان بولار, دەگدار تىڭدارمان ماەسترونىڭ جاندى داۋىسپەن ناقىشىنا كەلتىرە ورىنداعان ءدۇ­نيە­لەردى جۇرەك قاقپاسىن ايقارا اشىپ قابىل الدى. ىقىلاسپەن سوعىلعان الاقان, ءرويالدىڭ ءۇستىن جاۋ­­ىپ كەتكەن قۇشاق-قۇشاق گۇل­دەس­­­تە وسىنىڭ ايعاعى ەدى. بۇل كەش­­­تە سىدىق مۇحامەدجانوۆتىڭ «قىر­­­مانعا كەل, قال­قاتايىنان» باس­تاپ وتىزعا جۋىق ءان ورىن­دالدى. كون­­تسەرتتىڭ سوڭعى نۇكتەسى, ءاري­نە, «نۇر­يكامالمەن» قويىلدى. رويال دە­مەكشى, ءانشىنى سىرلى سازبەن سۇيە­­مەلدەگەن ليۋبوۆ گلينكانىڭ دا ساۋ­ساعىنان اينالدىق. كوزدى اشىپ-جۇمعانشا وتە شىق­قان كەرىم كونتسەرتتىڭ سو­ڭىن­دا ساحنا تورىنە اتالعان وقۋ ور­نىنىڭ پرورەكتورى ديحان قام­زابەك ۇلى, پروفەسسورلار نا­ما­زالى وماش, تۇرسىن جۇرتباي ءجا­­نە قارجاۋباي سارتقوجا ۇلى كو­تەرىلىپ, قازاقستاننىڭ ەڭبەك ءسى­ڭىر­گەن ءارتىسى, اتالعان وقۋ ورنىنداعى «كاۋ­سار» مادەني-تانىمدىق ءبىر­لەس­تىگىنىڭ جەتەكشىسى كەنجەعالي مىر­جىقبايعا اسىل ونەرى ءۇشىن ال­عىس ايتتى. ايدىك ءانشى ءۇشىن ەۇۋ-ءدىڭ قۇس­تىڭ ۇياسىنداي عانا زالى تارلىق ەتە­تىندەي كورىندى. قۇلاشتى كەڭگە سەر­مەيتىندەي كەڭدەۋ زال, بيىك ساح­ناعا شىعاتىن كەز جەتكەن سيا­قتى. ءوي­تكەنى, كلاسسيكالىق دۇنيە سۇ­را­نىس­تان كەندە بولعان ەمەس. قايرات ءابىلدينوۆ, «ەگەمەن قازاقستان» استانا