كەلەشەككە كەڭ جول اشقان

ەلباسىنىڭ بيىلعى جولداۋى تاۋەلسىزدىگىمىزدىڭ 25 جىلىندا جيناعان تاجىريبەلەرىمىز بەن جەتىستىكتەرىمىزدىڭ ناتيجەسىن سارالاپ, قازىرگى الەمدىك ساياسي-ەكونوميكالىق ۇدەرىسپەن ۇيلەستىرىپ, ۇندەستىرەتىن كەشەندى باعدارلامالاردى قامتىعان, حالقىمىزعا جىگەر بەرىپ, قوعامىمىزدىڭ ءاربىر مۇشەسىن قۋاتتى كۇشكە اينالدىرا الاتىنداي باعالى قۇجات بولدى. «الەمدى تۇگەل كورسە دە, اس­پان­دا جۇلدىز ارالاپ, اي نۇرىن ۇس­­تاپ مىنسە دە, قىزىققا تويماس ادام­­زات», دەپ ابىز بۇقار جىراۋ ايت­قانداي, جاھاندا ءتورتىنشى ونە­ر­كاسىپ­تىك تاڭعاجايىپ رەۆو­ليۋ­­تسيا قارقىندى باستالدى. قازىر اقپاراتتىق تەحنولوگيانىڭ ارقا­سىندا جۇمىر جەر ءبىرتۇتاس اعزاعا اينالدى. الەمدىك قوعام­داستىقتا ءمولدىر شەكارا ۇعىمى قالىپتاسا باستاعانى بەلگىلى. بۇل قۇبىلىس قارجى اينالىمى, بيزنەس, جول-كولىك, رۋحانيات سالالارىندا دا اشىق بايقالىپ وتىر. ەندى ەشكىم دە توماعا-تۇيىق, جەكە-دارا ءومىر ءسۇرۋى مۇمكىن ەمەس. جولداۋدا وركەنيەتتى الەمدى قام­­تىعان ءتۇبىرلى وزگەرىستەر­دەن ءوز ۇلەسىمىزدى, سىيلى سىبا­عا­­مىز­دى باسەكەگە قابىلەتتى بول­­عان جاع­د­ايدا عانا الا الاتى­نى­­مىزعا ەرەكشە نازار اۋدا­رىل­­عان. وسى ماقساتتا ەلباسى مەم­لە­كەتىمىزدىڭ بيلىك تار­ماق­تارىن, قوعامىمىزدىڭ ءاربىر بۋىنىن تۇگەل قوزعاۋشى كۇش­كە اينالدىراتىنداي الە­ۋەتتى ءادىس-تاسىلدەر جۇيەسىن ۇسىن­عان. جولداۋدا الەۋمەتتىك-ەكو­نو­ميكالىق ءومىرىمىزدىڭ قام­تىل­ماي قالىس قالعان بىردە-ءبىر سالا­سى جوق, سونىمەن ءبىر­گە, ءار قادامىمىزعا ناقتىلى تاپسىر­مالار, تەگەۋرىندى قولداۋلار, قۇندى ۇسىنىستار بىلدىرىلگەن. ايتالىق, اگروونەركاسىپتىك كەشەندى دامىتۋ ارقىلى اۋىل ەڭبەككەرلەرىن دەمەۋ, جاپپاي كاسىپكەرلىك باعدارلاماسىن جاساۋ, وتباسىلىق كاسىپكەرلىكتى قولداۋ سەكىلدى تامىرلى سالا­لارعا جولداۋدىڭ ناقتىلى تار­ماق­تارى ارنالىپ, قيىن ءتۇيىن­دەردى شەشۋدىڭ بىرەگەي دە ءبى­رىزدى جوسپارى جاسالعان. ەڭ قۋان­تارلىعى, بۇل قۇجات قازاق قوعا­مىنىڭ ءاربىر مۇشەسىن بەي­جاي جۇرمەي, ەندىگىدە بەل­سەن­دى ارەكەتكە, تەگەۋرىندى شارۋا­قورلىققا باستايتىن جولداردى كور­سەتىپ, ونى قامتاماسىز ەتە­تىن زاڭنامالىق نەگىز جاساۋعا ۇندەگەن. «نۇرلى جەر» باعدارلا­ما­سىنىڭ دا بەرەشەگى مول ەكەنى ايقىن. مۇندا ايتىلعان ءتۇرلى باستامالار اۋىل ەڭبەككەرلەرىن جوعارىعا قول جايعان كەيپىندە ەمەس, ناعىز ەكوونىم وندىرەتىن اۋقاتتى قوجايىن, مايتالمان كاسىپكەر رەتىندە كورىنەتىن كۇننىڭ الىس ەمەس ەكەنىن بايقاتادى. انا ءتىلىمىز اركىم ءار جاققا تار­تاتىن داۋدىڭ تۇتقا­سى ەمەس, بۇگىندەرى بۇۇ قاۋىپ­سىز­­دىك كە­ڭە­سىنىڭ تۇراقتى ەمەس ءمۇ­شە­سى بو­لىپ وتىرعان الەۋەت­تى ەلى­مىز­­دىڭ رۋحاني تۇتاستىعى­نىڭ ال­تىن ارقاۋى ەكەنى جول­داۋ­دا با­يىپ­تالادى. «قازاق ءتىلى­نىڭ باسىم­دى­عى ساقتالا­دى. ونىڭ ءارى قاراي دامۋىنا زور كوڭىل بولىنەدى» دەپ تۇجى­رىم­­دالعان قۇجاتتا. ءبىلىم بەرۋ جۇيەسىن ساپالىق جاڭا دەڭ­گەيگە, الەمدىك مەجەگە كوشىرۋ قاجەت ەكەنىن ساراپتاعان ەلباسى «IT-ءبىلىمدى, قارجىلىق ساۋات­­تى­لىق­تى قالىپتاستىرۋعا, ۇلت­جان­دىلىقتى دامىتۋعا باسا كوڭىل ءبولۋ كەرەك», دەپ وقۋ ورىن­دارىن­دا جاڭا تەحنولوگيالارمەن ءبىر­گە, ۇلتتىق قۇندىلىقتار جۇيە­سىن جاس بۋىننىڭ ساناسىنا ءسىڭى­رۋ پاراساتتى قادام ەكەندىگىن تۇسىندىرە كەتەدى. قالا مەن اۋىل مەكتەپتەرى اراسىنداعى ءبىلىم بەرۋ ساپا­سىنىڭ الشاقتىعىن ازايتۋ قاجەتتىگىن اتاپ وتكەن ەلباسى الەمدىك وركەنيەتكە اعىلشىن ءتىلى ارقىلى توتە شىعۋدى مەڭ­زەپ, باسقانىڭ تىلىنە, اقپاراتىنا باعىنىشتى بولماي, تاۋەلسىز ەلدىڭ تۇلەكتەرى جاڭاشا تاڭ­داۋ جاساۋ كەرەكتىگىن, ەركىن كوز­قاراستا تاربيەلەنۋ قاجەتتىگىن پايىمدايدى. كوپتەن بەرى ايتىلىپ جۇرگەن ءبىزدىڭ وقۋ جۇيەسىندەگى ءبىر سىڭار­جاقتىق جاستار اراسىندا زاڭ­گەر, ەكونوميست, كەدەن ءىسى, قارجى ماماندىقتارىنىڭ ديپلومىن العان بىتىرۋشىلەر شامادان مول بولعاندىقتان, جۇمىسسىزدىق قاتارىن جىلدان-جىلعا كوبەيتىپ كەلەدى. راسىندا, جوعارى وقۋ ورنىن بىتىرگەنىمەن, جۇمىسسىز ءجۇر­گەن­دەردىڭ قاراسى مول-اق. ال قوعامعا, كەرىسىنشە, كاسىپ­تىك ءبىلىم يەلەرى – شەبەر جۇمىس­شىلار, داياشىلىق قىزمەتىن جاساۋشىلار جەتىسپەي جاتادى جانە بۇلاردىڭ تابىسى دا اجەپتاۋىر ەمەس پە؟! جاپپاي كاسىپكەرلىكتى قولداۋ تەتىكتەرىن ودان ءارى جەتىلدىرۋ تۋرالى شەگەلەپ ايتقان ەلباسى «مەنىڭ باستامام بويىنشا بيىل «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى ىسكە اسىرىلا باس­تا­دى.تەگىن وقىتۋمەن ەڭ اۋە­لى جۇ­مىس­­­سىز جانە ءوزىن ءوزى ءتيىم­سىز جۇ­­مىسپەن قامتىعان جاس­تار, سون­داي-اق, كاسىپتىك ءبىلىمى جوق ەرە­سەك ادامدار قامتىلۋى ءتيىس» دەپ قو­عامىمىزدى شيراق قوزعا­لى­سقا ەنگىزىپ, جۇرتىمىزدى ىسكەر, شا­رۋاقور, ءوندىرۋشى ەلگە اينالدى­راتىن العىشارتتى نۇسقايدى. الەمدىك قوعامداستىقتان لا­يىق­تى ورىن الىپ, دامىعان 30 ەلدىڭ اراسىنان كورىنۋگە وڭتاي­لى جول اشقان بۇل جولداۋ وتا­نى­مىزدىڭ ءوسىپ-وركەندەۋىنە, حال­قى­مىزدىڭ باقۋاتتى ءتىرشى­لىك كەشىپ, بىلگە, تونىكوك, اسان­قاي­عى اتامىز ارمانداعان ماڭگى­لىك ەلىمىزدىڭ مارتەبەسى اس­قاق بولۋى­نا التىن باسپالداق بولارى انىق. نەسىپبەك ايت ۇلى, اقىن, مەملەكەتتىك سىيلىقتىڭ لاۋرەاتى