وقىتۋشىلارعا ارنالعان IT-ترەنينگ

تەح­ني­كالىق جانە كاسىپتىك ءبىلىم بەرۋ مەكە­مە­لەرىنىڭ وقىتۋشىلارى ءۇشىن Samsung يننوۆاتسيالىق اكادەمياسىندا ار­نايى ترەنينگ ءوتتى. وعان الماتى قالا­سىن­دا ور­نا­لاسقان 15-كە جۋىق كوللەدج وقىتۋ­شى­لارى قاتىسىپ, بىلىمدەرىن تولىقتىرىپ قايتتى. ءىت-ترەنينگتەن وتكەن وقىتۋشىلار ستۋ­دەنتتەرمەن جاڭا فورماتتا جۇمىس ىستەپ قانا قويماي, ءىت سالاسىنداعى بىلىمدەرىن ارتتىرىپ, اقپاراتتى وزدىگىنەن ىزدەۋ داعدىسىن دامىتا تۇسپەك. جاڭا ءپان ەڭبەك نارىعىنىڭ وزەكتى تالاپتارىنا نەگىزدەلە وتىرىپ, وندىرىستە ءبىلىم جيناۋدىڭ الەمدىك تاجىريبەسىنە ءساي­كەس جاسالعان ەكەن. باعدارلاما ماقساتى – حالىق­قا جانە ءتۇرلى كاسىپورىندارعا ساندىق تەلە­دي­دارلاردى, موبيلدىك قۇرىلعىلاردى, پرين­تەرلەر مەن ونەركاسىپتىك جەلدەتكىش جۇيەلەردى ءجوند­ەۋ بويىنشا سەرۆيستىك قىزمەتتەر ۇسىنا­تىن جوعارى بىلىكتى ماماندار دايىنداپ شى­عارۋ. 2015-2016 وقۋ جىلىنىڭ ەكىنشى جارتى­جىلدىعىندا ءال-فارابي اتىنداعى قازۇۋ-دىڭ تەحنيكالىق كوللەدجىندە سىناقتان ءوت­كەن جاڭا ءپاندى ورتالىق ازيا تەحنيكالىق-ەكونو­ميكالىق كوللەدجىنىڭ (واتەك) وقۋ-ادىستەمەلىك كەشەندەرىن ازىرلەگەن وقىتۋشىلارى وقىتپاق. پراكتيكالىق ءبىلىم الۋعا مۇمكىندىك بەرەتىن زاماناۋي تەحنيكالىق جانە قوسارلى جاب­دىق­تارمەن جابدىقتالعان Samsung زەرتحاناسىندا ستۋدەنتتەر ءتۇرلى تەحنيكالاردى جوندەۋدەن وتكىزۋ تەتىكتەرىن, تۇتىنۋشىلارمەن جۇمىس ىستەۋ ەرەجەلەرىن ۇيرەنەدى. «تۇراقتى دامۋعا ىقپال ەتۋ» قوعامدىق قورىنىڭ ءبىلىم بەرۋ باعدارلامالارى جونىندەگى ساراپشىسى ناتاليا انيسيموۆانىڭ ايتۋىنشا, ترەنينگ ەل دامۋىنىڭ جاڭا سترا­تە­گياسىنا ساي ازىرلەنگەن. «ەلباسى بيىل­عى جولداۋىندا ەلىمىزدەگى ءبىلىم بەرۋ سالا­سىنداعى يننوۆاتسيالىق ادىستەمەلەرگە قاتىستى ويىن ايقىن اتاپ وتكەن بولاتىن. وقىتۋ جۇيەلەرىن, ءبىلىم بەرۋ ينتەگراتسياسىن, عىلىم مەن ءوندىرىستى دامىتۋ, سونداي-اق, جۇمىس بەرۋشىلەر مەن الەۋمەتتىك سەرىك­تەستەر­مەن ءوزارا بايلانىس ارقىلى تەحنيكالىق جانە كاسى­بي ءبىلىم بەرۋدى دامىتۋ اسا ماڭىزدى فاك­تور بولىپ تابىلادى», دەيدى ناتاليا ميحايلوۆنا. ميرا بايبەك, «ەگەمەن قازاقستان» الماتى