قازاقستان حالقى اسسامبلەياسىنىڭ قۇتتىقتاۋى

قىمباتتى ايەلدەر! سىزدەردى كوكتەمنىڭ شۋاقتى مەرەكەسى – حالىق­ارالىق ايەلدەر كۇنىمەن قۇتتىق­تاۋىمىزدى قابىل الىڭىزدار! بۇل مەيىرىمگە تولى جارقىن مەرەكە ءبىزدىڭ جۇرەكتەرىمىزدى ءومىر بەرەتىن, سۇيىسپەنشىلىگىنە بولەيتىن, قۋانىش سىيلايتىن جانە قينالعان ساتتەردە قولدايتىن ايەلگە دەگەن نازىك سەزىمدەرمەن تولتىرادى. بۇل كۇنى قازاقستاننىڭ بارشا حالقى ايەلگە قۇرمەت-قوشەمەت كورسەتىپ, ونىڭ جاسامپاز رولىنە باس يەدى. سىزدەر, قازاقستان ايەلدەرى, ساياسات پەن بيزنەس­تە, عىلىمي-وندىرىستىك جانە الەۋمەتتىك-مادەني سالالاردا جەتەكشى ورىندارعا يە بولىپ, قوعامدا تاتۋلىق پەن كەلىسىم, مەيىرىمدىلىك پەن تىنىش­تىق, سەنىم مەن ءۇمىت ورنىعا تۇسۋىنە اتسالىسىپ وتىرسىزدار. حالىقارالىق ايەلدەر كۇنى ءبىزدىڭ بارىمىزگە تىرشىلىكتىڭ اسا ماڭىزدى قۇندىلىقتارى – ىنتى­ماق­تاستىق, ىزگىلىك, ريزاشىلىق, مەيىرىمدىلىك قاسيەتتەرىن تەرەڭىرەك سەزىنۋى­مىزگە مۇمكىندىك بەرەدى. ەڭ باستىسى, سىزدەر قاسيەتتى جەرىمىزگە تىرلىك ءدانىن سەۋىپ, بالالارىمىز – ۇلى دالا ەلىنىڭ ازاماتتارىن تاربيەلەپ وتىرسىزدار. قىمباتتى انالارىمىز, ومىرلىك سەرىكتەرىمىز, قارىنداستارىمىز بەن قىزدارىمىز! سىزدەرمەن بىرگە ءومىرىمىز مانگە تولىپ, ونىڭ دانالىعىن ۇعامىز. ەندەشە, كوكتەمنىڭ وسى مەرەكەلى كۇنىندە سىزدەرگە ارنالىپ ەڭ ىزگى تىلەكتەر ايتىلسىن! وسى شۋاقتى مەرەكەنى وتباسىندا, ءوز­دەرىڭىزدى شەكسىز سۇيەتىن ازاماتتار­دىڭ, باقىت­تى بالا­لارى­ڭىزدىڭ, ادال دوس­تارى­ڭىز­دىڭ ورتاسىندا قارسى الۋلارىڭىزعا تىلەكتەسپىز! ارماندارىڭىز ورىندالىپ, جۇزدەرىڭىزدە باقىت­تىڭ نۇرى جايناسىن! ومىرلەرىڭىز تاتۋلىق پەن كەلىسىم, ءوزارا تۇسىنىستىك پەن قۋانىشقا تولى بولسىن! مەرەكە قۇتتى بولسىن, قىمباتتى حانىمدار مەن ارۋلار! قازاقستان حالقى اسسامبلەياسىنىڭ كەڭەسى