رۋلدە دە, ومىردە دە ادەمى

ايەلدەر مەرەكەسى قارساڭىندا قوستانايدا قىز-كەلىنشەكتەردىڭ «رۋلدە ارۋلار» اتتى اۆتوشەرۋى ءوتتى. وبلىستىق جاستار رەسۋرسى ورتالىعى باستاپ, جەرگىلىكتى پوليتسيا قىزمەتى قوستاپ وتكىزگەن بۇل شارانىڭ باستى ماقساتى – كولىك جۇرگىزۋشى ايەلدەر تاراپىنان جول ەرەجەسىنىڭ بۇزىلماۋىن ناسيحاتتاۋ جانە مەرەكەگە تارتۋ, جاڭاشىلدىققا, باتىلدىققا, سۇلۋلىققا قۇرمەت بولاتىن. مۇنداي شەرۋ كەڭەس وداعى تۇسىندا 1936 جىلى وتكىزىلگەن ەكەن. وعان «زيل» جۇك ماشيناسىن جۇرگىزەتىن 45 ايەل قاتىسىپتى. ال ءبىز بۇگىن ايەلدەر ەڭ ساق, جول-قوزعالىس ەرەجەسىن بۇلجىتپاي ورىندايتىن جۇرگىزۋشىلەر ەكەنىن كورسەتەمىز, – دەدى وبلىستىق جاس­تار رەسۋرسى ورتالىعىنىڭ ءبولىم جەتەكشىسى سنەجانا شاندر. ايەل جۇرگىزۋشىلەر وتىرعان كولىك شەرۋىنىڭ تاعى ءبىر ەرەكشەلىگى, ماشينالاردىڭ بارلىعى ونىڭ يەسىنىڭ قيالى جەتكەن جەرگە دەيىن بەزەندىرىلدى. ولار ماشينا ارقىلى ءتۇرلى وبرازدار جاساۋعا تىرىستى. ساۋكەلە «كيگەن», مۋلتفيلم كەيىپكەرلەرىمەن, 8 ناۋرىز بەن جۇرەكشەلەردى كور­سەتكەن ماشينالاردان جولداعى جۇرگىنشىلەر كوزىن الا المادى. – رۋلگە قىزدار مەن كەلىنشەكتەر وتىرعان ماشينالار شەرۋىنىڭ ادەمىلىگىندە شەك بولعان جوق. ءبىز نۇسقاۋشى ايتقان ەرەجە شەگىنەن شىقپاي, ءجۇرىپ وتىردىق. بارلىق ماشينالار بىزگە قۇرمەتپەن دابىلىن قوسىپ جاتتى. ماشينانى تۇنىمەن وتباسىمىزبەن بەزەندىردىك. قازىر ماشينا رۋلىندە وتىرۋ ايەلدەر ءۇشىن ءسان ەمەس, بۇل كۇندەلىكتى تىرلىكتە وتە كەرەك, – دەيدى شەرۋگە قاتىسقان ادينا قاليەۆا. اۆتوشەرۋگە 23 ماشينا قا­تىستى. بايقاۋدىڭ سوڭىندا دە­مەۋشىلەر قىز-كەلىنشەكتەردى مە­رەكەسىمەن قۇتتىقتاپ, ولارعا سىي­لىقتار تابىس ەتتى. جاستار رەس­ۋر­سى ورتالىعىنىڭ ۆولونتەرلەرى ەندى مۇنداي اۆتوشەرۋدى جىل سايىن وتكىزۋدى ويلاپ وتىر. ءنازيرا جارىمبەتوۆا, «ەگەمەن قازاقستان» قوستاناي