سبەربانك قازاقستاندا يسلام بانكينگىن دامىتۋدى كوزدەپ وتىر

رەسەي سبەربانكى قازاقستان مەن تۇركيادا يسلام بانكينگى جوبالارىن دامىتۋدى كوزدەپ وتىر. بانك ءباسپاسوز قىزمەتىنىڭ مالىمدەۋىنشە, قازاقستان تمد-دا سەرىكتەستىك بانكينگ دامىتۋعا ارنالعان بولاشاعى بار نارىقتاردىڭ ءبىرى رەتىندە قاراستىرىلۋى مۇمكىن. دەگەنمەن, قارجى ينستيتۋتى قانداي دا ءبىر جوبالار تۋرالى ايتۋعا ءالى ەرتە ەكەنىن ايتادى, دەپ جازادى abctv.kz. «ءبىز قازىر حالىقارالىق نارىقتاردا ەنشىلەس بانكتەردىڭ قارجىلاندىرۋمەن ىسكە اسىرىلاتىن جوبالاردىڭ ءتىزىمىن جاساپ جاتىرمىز. ونىڭ ىشىندە تۇركيالىق DenizBank-پەن بىرلەسىپ قارجىلاندىرىلاتىن جوبالار بار, ال كەلەر اپتادا الماتىداعى ارىپتەستەرىمىزبەن 2017 جىلعى جول كارتاسىن تالقىلاۋىمىز  كەرەك», — دەدى بانك وكىلى. رەسەيلىك سبەربانك باسشىلارىنىڭ ايتۋىنشا, قازاقستاندا شاعىن جانە ورتا كاسىپتى دامىتۋعا ارنالعان جوبالاردى دامىتۋ ءۇشىن ەلدەگى زاڭناما اياسىندا بالاما رەسۋرستاردى تارتۋدىڭ امالدارىن ىزدەيدى. «Thomson Reuters Islamic Growth Markets Investment Outlook ەسەبىنە سايكەس, 2015 جىلى يسلام سەرىكتەستىك ۇيىمىنا كىرەتىن 57 مەملەكەتتىڭ ىشىنەن ينۆەستيتسيا تارتۋ بويىنشا قازاقستان 5-ورىنعا جايعاسقان. ينۆەستورلاردىڭ «تابەتى» مەن قالاۋىن بىلەتىندەر ءۇشىن بۇل كورسەتكىش وتە ماڭىزدى», — دەيدى قارجى ينستيتۋتى.