Microsoft-تىڭ قازاقستان مەن تمد اۋماعىنداعى باس ديرەكتورى اۋىستى

Microsoft-تىڭ قازاقستان مەن تمد اۋماعىنداعى باس ديرەكتورى بولىپ رونالد بينكوفسكي تاعايىندالدى. «Microsoft كومپانياسى 1 ساۋىردەن باستاپ رونالد بينكوفسكيدى قازاقستانداعى باس ديرەكتورى جانە تمد-داعى وڭىرلىك كەڭسەسىنىڭ جەتەكشىسى ەتىپ بەكىتتى. ول سوڭعى ءبىر جىلدا وسى ورىندا بولعان كونستانتين نازاروۆتىڭ ورنىنا كەلىپ وتىر", - دەپ جازادى كومپانيانىڭ ءباسپاسوز قىزمەتى. رونالد بينكوفسكي 9 ەلدەگى (قازاقستان, ارمەنيا, ءازىربايجان, بەلارۋس, موڭعوليا, قىرعىزستان, تۇركمەنستان, تاجىكستان مەن وزبەكستان) كومپانيانىڭ بيزنەسىنە جاۋاپ بەرەدى. وسى ۋاقىتقا دەيىن 4 جىل بويى رونالد بينكوفسكي پولشاداعى Microsoft كەڭسەسىن باسقارعان. ال ونىڭ الدىندا 2,5 جىل رۋمىنيادا وسىنداي جۇمىس ىستەگەن. بينكوۆسكي 10 جىلدان بەرى وسى كومپانيادا جۇمىس ىستەپ كەلەدى. ءوز ەڭبەك جولىن ول SoftwareAG كومپانياسىندا ورتالىق جانە شىعىس ەۋروپاداعى وڭىرلىك مەنەدجەرى رەتىندە باستاعان. ونىڭ الدىندا ءوز كاسىبىمەن اينالىسقان. رونالد بينكوفسكي كراكوۆتاعى (پولشا) ياگەلون ۋنيۆەرسيتەتىندە قولدانبالى ماتەماتيكا فاكۋلتەتىن بىتىرگەن. سونىمەن قاتار, INSEAD بيزنەس مەكتەبىندە AdvancedManagement باعدارلاماسى مەن گەرمانيادا ورىس ءتىلىن مەڭگەرگەن.