«اقتوبە» ماۋسىم باستالماي تۇرىپ ۇپايلارىنان ايىرىلۋى مۇمكىن

«اقتوبە» فۋتبول كلۋبى قازاقستان پرەمەر-ليگاسىنىڭ كەزەكتى ماۋسىمى الدىندا ۇپايلارىنان ايىرىلۋى مۇمكىن. بۇل تۋرالى kazfootball.kz حابارلادى. 2012-2013 جىلى «اقتوبەدە» سەرگەي كوۆالچۋك ەسىمدى فۋتبولشى ويناعان. كەلىسىمشارتى بولا تۇرا كلۋب باسشىلىعى ونى مەرزىمىنەن بۇرىن بۇزعان. ءوز كەزەگىندە فۋتبولشى «قازاقستان فۋتبول فەدەراتسياسىنىڭ» داۋلى ماسەلەلەردى شەشەتىن پالاتاسىنا شاعىم تۇسىرگەن. باسشىلىق الدىن الا كەلىسىمشارتتى بۇزعانى ءۇشىن وتەماقى تولەۋدى تالاپ ەتكەن بولاتىن. مۇنداي شەشىم شىققانىنا قاراماستان سەرگەي كوۆالچۋك ءتيىستى اقشاسىن الماعاندىقتان فيفا-نىڭ تارتىپتىك كوميتەتىنە ارىز جازعان. قازىرگى ۋاقىتتا ءتيىستى قۇجاتتىڭ ءبارى حالىقارالىق فەدەراتسياعا وتكىزىلدى. وسى سەبەپتى «اقتوبەدەن» الدىن الا ۇپايلارىن الىپ, جاڭا فۋتبولشىلار الۋعا تىيىم سالۋى مۇمكىن. فۋتبولشىنىڭ وكىلى ولەگ پەچەرنىيدىڭ ايتۋىنشا فيفا-نىڭ وسى ىسكە قاتىستى ناقتى شەشىمى ناۋرىز ايىنىڭ سوڭىندا بەلگىلى بولادى. ايتا كەتەيىك, فۋتبولشىلارى مەن جاتتىقتىرۋشىلارىنىڭ جالاقاسىن تولەمەگەنى سەبەپتى «اتىراۋ» كلۋبى ماۋسىم الدىندا توعىز ۇپايىنان ايىرىلعان.