الماتىنى اباتتاندىرۋعا قوسىمشا 2,2 ملرد تەڭگە بولىنەدى

الماتىدا «قولايلى قالا» باسىمدىعى اياسىندا قالانى اباتتاندىرۋعا قوسىمشا 2,2 ملرد تەڭگە بولىنەدى, بۇل تۋرالى VI سايلانعان الماتى قالاسى ءماسليحاتىنىڭ كەزەكتەن تىس XIV سەسسياسى بارىسىندا قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ماقسات قيقىموۆ حابارلادى, دەپ جازادى strategy2050.kz. سپيكەر اتاپ وتكەندەي, الماتى قالاسى ءماسليحاتىنىڭ دەپۋتاتتارى 2017 جىلعا ارنالعان انىقتالعان بيۋدجەت جوباسىن ەسكەرتۋلەرسىز كەلىسكەن, وندا تكش جانە اباتتاندىرۋدى دامىتۋعا ۇلكەن كوڭىل بولىنگەن. ونىڭ ايتۋىنشا, «قولايلى قالا» باسىمدىعى اياسىندا قوسىمشا 2,2 ملرد تەڭگەدەن استام قاراجات ءبولۋ جوسپارلانىپ وتىر. بيىل «مەدەۋ» ساياباعىنىڭ اۋماعىنا قىزمەت كورسەتۋ ءۇشىن ارنايى تەحنيكا مەن جابدىق ساتىپ الۋ جوسپارلانىپ وتىر. سونداي-اق, قالالىق كوشەلەردىڭ تازالىعىن ساقتاۋ ءۇشىن ارنايى تەحنيكا ساتىپ الۋعا جانە 2 وندىرىستىك بازا قۇرىلىسىنىڭ جسق ازىرلەۋگە قاراجات جۇمسالماق», - دەدى م. قيقىموۆ. مەدەۋ اۋدانىندا وزەن ارنالارى مەن جاعالاۋلارىندا, قوسىمشا ۋچاسكەلەرىندە اعىمداعى جوندەۋ جۇمىستارى جۇرگىزىلمەك. «قورشاعان ورتانىڭ ساپا كورسەتكىشتەرىن انىقتاۋ جانە ولاردى جاقسارتۋ بويىنشا قاجەتتى شارالار ازىرلەۋ ءۇشىن العاش رەت قوعام وكىلدەرىن, قالالىق ءماسليحات دەپۋتاتتارىن جانە ەكولوگيا سالاسىنداعى تاۋەلسىز ساراپشىلاردى تارتا وتىرىپ, زەرتتەۋلەر جۇرگىزۋگە 150 ملن تەڭگە قاراستىرىلعان», - دەپ قوستى ول. م.قيقىموۆتىڭ ايتۋىنشا, ەنەرگەتيكا جانە كوممۋنالدىق شارۋاشىلىق سالاسىن دامىتۋ اياسىندا جىلۋ جەلىلەرىن قايتا قۇرۋعا قوسىمشا 2,7 ملرد تەڭگە, 88 كوپپاتەرلى تۇرعىن ۇيگە كۇردەلى جوندەۋ جۇرگىزۋگە 876 ملن تەڭگە ءبولۋ جوسپارلانىپ وتىر. سونداي-اق, قالانىڭ بەس اۋدانىندا (الاتاۋ, اۋەزوۆ, بوستاندىق, جەتىسۋ, مەدەۋ) 11 700-گە جۋىق ابونەنت قامتىلا وتىرىپ, 3,3 ملرد تەڭگەگە 73 كم سۋمەن جابدىقتاۋ جانە سۋ تارتۋ جۇيەلەرى سالىنىپ, قايتا قۇرىلماق.