قىرعىزستان ەاەو-نىڭ ورتاق قارجى نارىعىن قۇرۋدى ۇسىندى

ەۋرازيالىق ەكونوميكالىق وداققا توراعالىق ەتۋ اياسىندا قىرعىزستان بيزنەستىڭ دامۋىنا جاعداي جاساۋ كەرەكتىگىنە كوڭىل اۋدارادى, دەدى قىرعىزستاننىڭ پرەمەر-ءمينيسترى ساۋرانباي جانىبەكوۆ. «جوعارعى ەۋرازيالىق ەكونوميكالىق كەڭەستىڭ توراعاسى الماسبەك اتامباەۆ وداققا مۇشە مەملەكەتتەردىڭ باسشىلارىنا قاراتا جاساعان مالىمدەمەسىندە 2017 جىلى ەۋرازيالىق كەڭىستىكتە بيزنەستى دامىتۋعا جايلى جاعداي جاساۋعا كوڭىل اۋدارۋعا شاقىرىپ, 2017 جىلى وداق قىزمەتىنىڭ باستى اسپەكتىلەرىن ناقتىلادى", - دەدى جانىبەكوۆ ەۋرازيالىق ۇكىمەتارالىق كەڭەسىنىڭ كەڭەيتىلگەن وتىرىسىندا. «اتاپ ايتار بولساق, كۇن تارتىبىندەگى ماسەلەلەردىڭ ءبىرى ينۆەستيتسيالىق ساياساتتى جانداندىرۋ, ەاەو ەلدەرىندە جۇمىس ىستەيتىن ازاماتتار مەن ولاردىڭ وتباسىنا زەينەتاقىمەن قامتاماسىز ەتۋ تۋرالى كەلىسىمگە قول قويۋ, ساندىق كەڭىستىكتى قۇرۋ ستراتەگياسىن دايىنداۋ, ونەركاسىپتىك ىقپالداستىقتىڭ باسىم باعىتتارىن ىسكە اسىرۋ, ەاەو شارتتارى نارىعىن ليبەريزاتسيالاۋ, ەاەو مۇشە مەملەكەتتەردىڭ بىرلەسكەن كولىك ساياساتىن ىسكە اسىرۋ باعىتتارى مەن كەزەڭدەرىن ورىنداۋ, وداقتىڭ ورتاق قارجى نارىعىن قۇرۋ تۇجىرىمداماسىن دايىنداۋ", - دەدى جانىبەكوۆ. ونىڭ ايتۋىنشا, وسى جۇمىستاردى ورىنداۋ ءۇشىن بىرلەسە جۇمىس ىستەۋ كەرەك. «وسى ماقساتتا ەۋرپازيالىق ەكونوميكالىق كوميسسيا مەن مۇشە مەملەكەتتەردىڭ ۇكىمەتتەرىنە بىرلەسىپ جاقىن ارادا ەاەو مەملەكەتتەرىنىڭ باسشىلارىنا جوعارعى كەڭەسىنىڭ توراعاسىنا باعىتتالعان ۇندەۋدە ايتىلعان باستامالاردى ىسكە اسىرۋ شارالارىنىڭ جوسپارىن دايىنداۋدى تاپسىرۋ كەرەك", - دەدى ساۋرانباي جانىبەكوۆ.