«قازاقمىس كورپوراتسياسى» باسقارۋ كەڭەسىنە باس ديرەكتور تاعايىندالدى

بۇگىن «قازاقمىس كورپوراتسياسى» جشس مۇشەلەرىنىڭ كەزەكتەن تىس جالپى جينالىسىندا كورپوراتسيانىڭ ديرەكتورلار كەڭەسىنىڭ اتقارۋ كوميتەتىنىڭ اتىن «قازاقمىس كورپوراتسياسى» جشس كەڭەس باسقارۋشىسى دەپ وزگەرتۋ تۋرالى شەشىم قابىلداندى, دەپ حابارلادى قازاقپارات. قىرىقپىشەۆ باقتيار ءابىراحمان ۇلى «قازاقمىس كورپوراتسياسى» جشس ءبىرىنشى باسشىسى, باسقارۋ كەڭەسىنىڭ باس ديرەكتورى بولىپ تاعايىندالدى.  ونىمەن بىرگە كورپوراتسيانىڭ باسقارۋ كەڭەسىنە بەس توپ-مەنەدجەر جاتادى. اتقارۋ كوميتەتىنىڭ وكىلدىگىنىڭ مەرزىمى ءۇش جىل بولادى. وگاي ەدۋارد ۆيكتور ۇلى «قازاقمىس حولدينگ» جشس ديرەكتورلار  كەڭەسىنىڭ توراعاسى, قازاقمىس كومپانياسى توبىنداعى كومپانيا باسقارۋشىسى بولىپ قالا بەرەدى. قازاقمىس كورپوراتسياسى – قازاقستانداعى پايدالى قازبالاردى ءوندىرۋ جانە وڭدەۋ  جۇمىستارىن جۇرگىزۋدەگى الدىڭعى قاتارداعى كومپانيا. سونىمەن بىرگە, ەلىمىزدەگى مىس  ءوندىرۋ الىبى. كومپانيا قۇرامىندا ون ءبىر كەنىش, ءتورت كەن بايىتۋ فابريكاسى بار. قازاقمىس كورپوراتسياسى كەن ءوندىرۋ ورىندارى مەن ونى ساتۋ دەڭگەيىنە دەيىن جەتكىزەتىن ءوندىرىس ورىندارىن باسقارادى. 2016 جىلى كاتودتىق ەكۆيۆالەنتتە 225,657 مىڭ توننا مىس جانە 2325 كگ سوم التىن ءوندىرىلدى. قازاقمىس دۇنيە جۇزىندە كۇمىس وندىرۋدەن الدىڭعى  قاتارداعى ءوندىرىس وشاعى. 2016 جىلى 249,6 توننا اففينيرلەنگەن تازا كۇمىس ءوندىرىلدى. كورپوراتسيا قۇرامىندا 36 مىڭنان استام ادام ەڭبەك ەتەدى.