امەريكالىق Netflix كومپانياسى كورەرمەندەرگە كەيىپكەردىڭ تاعدىرىن وزدەرى بەلگىلەۋگە مۇمكىندىك بەرەتىن تەحنولوگيانى دايىنداپ جاتىر, دەپ جازادى Bnews.kz اگەنتتىگى Daily Mail باسىلىمىنا سىلتەمە جاساپ.
باسىلىمنىڭ حابارلاۋىنشا, فيلمدەردەگى كەيىپكەرلەردىڭ ەڭ ماڭىزدى شەشىم قابىلدايتىن تۇستارى بىرنەشە نۇسقادا ءتۇسىرىلىپ, وقيعانىڭ بىرنەشە باعىتتاعى جەلىسى كورەرمەن تاڭداۋىنا ۇسىنىلادى. كورەرمەندەر پۋلتتەگى ارنايى باتىرمانى باسۋ ارقىلى ءبىر نۇسقانى تاڭدايتىن بولادى.
«بۇل ازىرگە تەك سىناق. قالاي جۇمىس ىستەيتىنىن كورەيىك, ەگەر ءساتتى بولىپ جاتسا, تەلەسەريالدارعا دا وسى تەحنولوگيانى پايدالانىمىز", - دەيدى كومپانيا وكىلدەرى.
الداعى ۋاقىتتا كومپانيا سەريالدارداعى وقيعا جەلىسىن بىرنەشە نۇسقادا ءتۇسىرىپ, كورەرمەندەر ونى شەكسىز كورە بەرەتىندەي ەتىپ شىعارۋدى ويلاستىرۋدا.
«ينتەراكتيۆتى تەحنولوگيانى ەنگىزگەننەن كەيىن ءبىز بۇدان دا كەرەمەتتەردى قولعا الامىز", - دەيدى Netflix پرەزيدەنتى ريد حاستينگس.
سونىمەن قاتار, كومپانيا بالالارعا ارنالعان ينتەراكتيۆتى شوۋ جاساماق. بۇل ءونىم العاش رەت بيىل كورەرمەنگە ۇسىنىلماق.
