ماكسيم گولوۆكين: گەننادي ەكەۋىمىز ەكى مارتە فينالدا كەزدەسكەنبىز

ماكسيم گولوۆكين HBO تەلەارناسىنداعى «Golovkin — Jacobs 24/7» باعدارلاماسىندا باۋىرى گەننادي جايلى وي ءبولىستى. «ەسىمدە, گەننادي ەكەۋىمىز ءبىر سالماقتا جۇدىرىقتاسىپ, ەكى مارتە فينالدا ءبىر-بىرىمىزگە قارسىلاس بولعانبىز. العاشىندا مەن وعان جول بەرسەم, ەكىنشىسىندە ونىڭ كەزەگى كەلگەن. مەن وسىلايشا, قازاقستان چەمپيونى اتانعانمىن», – دەپ ەسكە الدى ماكسيم گولوۆكين. «ول كەزدە تۇرمىسىمىز سونداي تومەن بولدى دەپ ايتا المايمىن. بىراق ۇلتتىق قۇرامامەن وزگە ەلدەرگە بارۋ ءۇشىن ەكەۋىمىزگە بىردەي اقشا تابۋ قيىن بولاتىن. سول كەزدە گەنناديدىڭ كوزىندە ەرەكشە ءبىر جالىننىڭ بار ەكەنىن, بوكسقا دەگەن قۇلشىنىسىنىڭ مەنەن جوعارى ەكەنىن بايقاپ, وعان جول بەردىم. بۇل شەشىمىمە وكىنەمىن دەپ ايتا المايمىن. قايتا قازىر باۋىرىمدى ماقتان تۇتامىن», – دەدى ول. «10-20 جاس ارالىعىنداعى جاتتىعۋ جۇمىستارىمىز, كۇن دەمەي, ءتۇن دەمەي جارىستارعا دايىندالعانىمىز ءالى ەسىمدە. گەننادي قازىرگى جەتىستىكتەرىنە قاراماستان, ءالى دە بيىك بەلەستەردى باعىندىرا تۇسكىسى كەلەدى. بۇل ءبىزدىڭ قانىمىزدا بار قاسيەت. جەڭىلگەندى جانىمىز سۇيمەيدى», – دەدى قازاقستاندىق بوكسشىنىڭ اعاسى.