جۇكتى ايەلدەر نەگە ۇمىتشاق بولادى؟

عالىمدار جۇكتىلىك كەزىندە ايەل ميىنىڭ قۇرىلىمى وزگەرەتىنىن دالەلدەدى, دەپ جازادى women.com. گوللانديانىڭ لەيدەن ۋنيۆەرسيتەتىنىڭ عالىمدارى جۇرگىزگەن زەرتتەۋ ناتيجەلەرى كورسەتكەندەي, قۇرساعىندا بالاسى بار ايەلدەردە الەۋمەتتىك سيگنالدارعا جاۋاپ بەرەتىن مي بولىگىنىڭ قىزمەتى باسەڭدەيدى. ياعني, وسى بولىكتەگى ميدىڭ سۇر زاتى ازايادى دا, جۇكتى ايەلدەردە ۇمىتشاقتىق پايدا بولىپ, بىر نارسەگە قاتتى كوڭىل اۋدارۋ قابىلەتى السىرەيدى. عالىمداردىڭ ايتۋىنشا, ميدىڭ قۇرىلىمى ەكى جىلدان كەيىن قايتا قالپىنا كەلەدى. زەرتتەۋ جۇرگىزگەن عالىمدار جۇكتىلىك كەزىندە الەۋمەتتىك سيگنالدارعا جاۋاپ بەرەتىن مي بولىگىندەگى سۇر زات ازايعانىمەن, ادامنىڭ بەت-الپەتىن ەستە ساقتاۋ قابىلەتىنە جاۋاپ بەرەتىن مي بولىگىندە ول زاتتىڭ كوبەيەتىنىن ايتتى. "ارينە, جۇكتى ايەلدەردىڭ ۇمىتشاقتىعى تۋرالى كوپ ايتىلادى. بىراق وسىلايشا تابيعات ءار انا ءوز بالاسىن تاني ءبىلۋى ءۇشىن جاعداي جاسايدى", دەيدى نەيروبيولوگ ەببوت ماكبەت. جاڭا تۋعان شاقالاقتاردىڭ ءبىر-بىرىنە ۇقساعانىمەن, ولاردى انالارىنىڭ ەش قينالماستان تانۋىن عىلىم وسىلايشا تۇسىندىرەدى. ياعني, انانىڭ ادامنىڭ بەت-الپەتىن ايىرا ءبىلۋ جانە ەستە ساقتاۋ قابىلەتى ارتۋى ءۇشىن جۇكتىلىك كەزىندە ۇمىتشاقتىق پايدا بولادى.