قوستانايلىق دارىگەردى ءولتىرۋ ءۇشىن كۇدىكتى 20 مىڭ دوللار تولەگەن

قوستانايدا وبلىستىق پسيحياترلىق اۋرۋحانانىڭ باس دارىگەرىن ءولتىرۋ ءۇشىن تاپسىرىس بەرۋشى 20 مىڭ دوللار بەرگەن. بۇل تۋرالى Qostanay.TV قوستاناي وبلىستىق سوتىنىڭ ءباسپاسوز قىزمەتىنە سىلتەمە جاساي وتىرىپ حابارلادى.  ءىس ماتەريالدارىنا قاراعاندا, قىلمىستى ۇيىمداستىرۋعا قاتىسى بار دەلىنگەن كۇدىكتى ونىڭ ارىپتەسى - قوستاناي وبلىسىنىڭ سوتى وبلىستىق پسيحياترلىق اۋرۋحانانىڭ ءبولىم جەتەكشىسى زاۋرەش يزالدينا (1972 جىلعى). تەرگەۋدىڭ نۇسقاسى بويىنشا, قىلمىس الدىندا دارىگەرلەردىڭ اراسىندا كاسىبىنە بايلانىستى جانجال شىققان. بۇل كىسى ولتىرۋگە تاپسىرىس بەرۋگە سەبەپ بولعان دەلىنەدى. راشيدا ساندىباەۆانىڭ يزالدينانى اشكەرەلەيتىن مالىمەتى بولعان-مىس. وسىدان كەيىن ساندىباەۆانى ءولتىرۋ تۋرالى تاپسىرىستى يزالدينا بۇرىنعى ەمدەلۋشىسىنە بەرگەن. ول وعان 20 مىڭ دوللار تولەۋگە ۋادە بەرگەن. ال ول ءوز كەزەگىندە تاعى ەكى ادامدى جالداپ, سوڭعى ەكەۋى 20 اقپاندا كىسى ولتىرگەن. ەستەرىڭىزگە سالا كەتسەك, 20 اقپان اقپان كۇنى قوستانايدا وبلىستىق پسيحياترلىق اۋرۋحانانىڭ باس دارىگەرى راشيدا ساندىباەۆا ادام قولىنان قازا تاپقان بولاتىن.