ۋنيۆەرسيادا تاعىلىمى

XXVIII دۇنيەجۇزىلىك قىسقى ۋنيۆەرسيادا دوداسى الماتى ءۇشىن عانا ەمەس, بۇكىل قازاقستان ءۇشىن ايتۋلى وقيعا بولدى. 57 ەلدىڭ 2 000-نان اسا جاس سپورتشىلارى باق سىناستى. وسى ۋنيۆەرسياداعا قاراپ-اق كەلەشەكتە قىسقى سپورتتىڭ قاي تۇرىنەن, قاي ەل, قاي شامادا بولارىن باعامداۋعا بولاتىن ەدى. قازاقستان دا ءوزىنىڭ قىسقى سپورتتان ارتىقشىلىعى مەن كەمشىلىگىن ءتۇيىپ الدى. قازاقستاندا قىسقى سپورت ءتۇرى كەنجە قالعان. تەك قانا شاڭعى جارىسى ءبىرشاما دامىعان. شايبالى حوككەي ءوز ارامىزدا بولماسا, الەمدىك جارىستا جارىتىپ جۇرگەنى شامالى. ال, سنوۋبورد, بياتلون, كەرلينگ, فريستايل سياقتى قىسقى سپورت ءتۇرىنىڭ ءوزى تۇگىلى, اتىن دا بىلمەيتىن ەدىك. وعان قاتىسىپ جۇرگەن قاراكوز ۇل-قىزدارىمىز تۋرالى بەيحابار بولاتىنبىز. ال ەندى, قىسقى سپورت تۇرىنەن تالاي ۇل-قىزدارىمىزدىڭ ەشكىمنەن كەم ەمەس ەكەنىنە قوزىمىز جەتتى. كەلەشەكتە بۇلار قىسقى سپورت تۇرىنەن قازاقستاننىڭ كوك بايراعىن تالاي جەلبىرەتەر دەگەن ۇمىتتەمىز. تەك سولاردىڭ جەتىستىگىن بۇقارالىق اقپارات قۇرالدارى دەر كەزىندە حابارلاپ, ناسيحاتتاپ وتىرسا, دۇرىس بولار ەدى. سپورتتىڭ قىسقى تۇرلەرىمەن اينالىساتىن ۇلاندارىمىزدى ەلدىڭ كوبى ۋنيۆەرسيادادان كەيىن عانا ءبىلىپ جاتىر. بۇل دا – ۋنيۆەرسيادا وتكىزگەنىمىزدىڭ جەمىسى. ەڭ قىزىعى, قىسى قىسقا, قارى از شىمكەنتتىك ۇل-قىزدارىمىزدىڭ قىسقى سپورتتا جەتىستىككە جەتۋى بولدى. ەستۋىمىزشە, شىمكەنتتىك بەس فريستايل-اكروباتشىمىزدىڭ ءبارى قازاقتىڭ ۇل-قىزدارى ەكەن. فريستايل-اكروباتيكا – قىسقى سپورت ءتۇرىنىڭ ەڭ ءبىر قاۋىپتى ءتۇرى. ءبىزدىڭ جاستارىمىزدىڭ جۇرەكتەرى شايلىقپاي وسىنداي قاۋىپتى سپورتپەن اينالىسۋى قازاق رۋحىنىڭ كۇشتىلىگىن كورسەتسە كەرەك. جالپى, قازاقتار جاي سپورتقا قاراعاندا قاۋىپتى سپورتپەن شۇعىلدانعاندى ءتاۋىر كورەدى. قايسارلىق پەن وجەتتىكتى تالاپ ەتەتىن بوكس, كۇرەس, دزيۋدو, تاەكۆاندو, ەرەجەسىز جەكپە-جەك, ت.ب. سپورت تۇرىندە قازاقتىڭ ۇل-قىزدارى كوپ. بۇل – قازاقتاردا ساقتىق, تۇركىلىك جاۋىنگەرلىك رۋحتىڭ جويىلماعانىن كورسەتەدى. جاستارىمىز ۋنيۆەرسيادادا 11 التىن, 8 كۇمىس, 17 قولا, بارلىعى 21 مەدال الىپ, جالپىكوماندالىق ەسەپتە 2-ورىندى يەلەندى. دۇركىرەگەن ءدۇبىرلى دودا قازاقستان سپورتشىلارى ءۇشىن تابىستى ءوتتى دەۋگە بولادى. الماتىداعى ۋنيۆەرسيادادان كەيىن, ىلە-شالا جاپونيانىڭ ساپپورا قالاسىندا ءVىىى قىسقى ازيا ويىن­دارىندا قازاقستان سپورتشىلارى 9 التىن, 11 كۇمىس, 12 قولا, بارلىعى 32 مەدال الىپ, جالپىكوماندالىق ەسەپتە 4-ورىنعا كوتەرىلدى. بۇل دا جامان ەمەس. ەندى وليمپيادا ويىندارىندا كوك بايراعىمىز كوكتە كوبىرەك جەلبىرەسىن دەپ تىلەيمىز. نازراحمەت قالي, زەينەتكەر الماتى