جازانى كۇشەيتكەن ءجون

الكوگولدى ىشىمدىك ءىشىپ, قوعامدىق ءتارتىپتى بۇزعاندارعا جازانى قاتاڭداتپاي بولمايدى. ءوز مىندەتتەرىنە سالعىرت قاراعان وندايلاردى تۇرمەگە دەيىن وتىرعىزۋ شارالارى قاراستىرىلسا, قۇبا-قۇپ بالار ەدى. قۇقىق قولدانۋ تاجىريبەلەرىنىڭ وزەكتى ماسەلەلەرى بويىنشا وتكىزىلگەن عى­ل­ى­مي-پراكتيكالىق كونفەرەنتسيادا جۇرت­شى­لىقتى مازالايتىن ماڭىزدى جايتتار, يۋۆەنالدىق پو­ليتسەيلەر, ۋچاسكەلىك پو­لي­تسيا ينسپەكتور­لارى, جول-پاترۋلدىك قىز­مەت­تەرىنە قاتىستى ءما­­سەلەلەر قامتىلدى. دە­­سەك تە, ءتيىس­تى زاڭ­نامالارعا وزگەرىستەر ەن­­­گى­زۋ شەڭ­بە­­­­رىن­دە زاڭ­گەرل­ەر تاراپىنان اي­تىل­­عان ۇسى­­نىس­تار­دىڭ وزەكت­ىسى – ءىشىم­دىك­كە بەي­ىم ادامدارعا قول­دا­نىلاتىن جازالاردى كۇ­شەيتۋ. سوڭعى كەزدەرى وڭىردە اكىمشىلىك ايىپ­پۇل­دى تولەمەۋشىلەردىڭ سانى الدەقايدا ارت­قان. بىلتىر 12 مىڭنان استام ادامعا اكىم­شىلىك حاتتامالار تولتىرىلىپ, 114 ميلليون تەڭگە ايىپپۇل سالىنسا, ونىڭ جار­تىسى عانا وتەلگەن. ارالارىندا اقىل-ەسىنەن ايرىلعانشا ءىشىپ, قوعامدىق ءتارتىپتى بىرنەشە مارتە بۇزعاندار دا از ەمەس. ولار­دىڭ باسىم بولىگىن ەش جەردە جۇ­مىس ىستەمەيتىندەر مەن ىشىمدىكتى سۋشا ءسى­­­مى­رەتىندەر قۇرايتىندىقتان, ايىپپۇل ءون­­دىرۋ وتە قيىن. سوندىقتان مۇنداي سا­نات­تاعىلاردى تۇرمەگە قاماپ, تۇزەۋ جۇ­مىستارىنا دا ماجبۇرلەۋ كەرەك. ول ءۇشىن زاڭ­ناماعا وزگەرىستەر ەنگىزىلۋىن قولدايمىز. ق­ازىرگى زاڭناما نورمالارى بويىنشا ايىپ­پۇل سالۋمەن عانا شەكتەلىپ ءجۇرمىز, دەيدى سول­تۇستىكقازاقستاندىق پوليتسەيلەر. قوعامدىق ءتارتىپ ساقشىلارىنىڭ پىكى­رىن­شە, ايىپپۇلدىق جازا تۇرىمەن قوسا, قىل­مىستىق قۇقىق بۇزۋشىلىق شارالارى دا قولدانىلسا, اياعىن اڭداپ باساتىنداردىڭ سانىنىڭ كوبەيە تۇسەرى انىق. ءومىر ەسقالي, «ەگەمەن قازاقستان» سولتۇستىك قازاقستان وبلىسى