قىلمىس كوبەيىپ, پوليتسيا قىزمەتكەرلەرى ازايىپ بارادى

– وسكەمەن قالالىق جول-پاترۋلدىك پوليتسياسى باتالونىندا قازىر كادر تاپ­شى­لىعى قاتتى سەزىلىپ وتىر. باتالون قۇ­­رامىندا بۇگىندە 341 قىزمەتكەر بار. ءار روتادا ەلۋ شاقتى پوليتسيا جول, كوشە قاۋ­­ىپ­سىزدىگىن قامتاماسىز ەتىپ كەلەدى. ءدال بۇگىنگى كۇنى بىزگە 47 پوليتسيا قىزمەتكەرى كەرەك, وسىنشاما پوليتسيانىڭ, ياعني بۇتىندەي ءبىر روتانىڭ ورنى بوس تۇر, – دەدى وسكەمەن قا­لالىق ءىىب جەرگىلىكتى پوليتسيا قىزمەتىنىڭ باس­شىسى الەكساندر سوكولوۆسكي جاقىندا قو­عامدىق كەڭەس مۇشەلەرىنىڭ قاتىسۋىمەن ءوت­كەن جيىندا. جەرگىلىكتى پوليتسيا قىزمەتى باسشى­سى­نىڭ ايتۋىنشا, مامانداردىڭ تاپ­شى­لىعىنا باستى سەبەپ – ولاردىڭ الاتىن ەڭ­بەكاقىلارىنىڭ ماردىمسىزدىعى. ماسە­لەن, قاتارداعى باتالون پوليتسيالارىنىڭ جالاقىسى بار-جوعى 60 مىڭ تەڭگە كورىنەدى. الەك­ساندر سوكولوۆسكي بۇل قىزمەتتە ن­ەگىزىنەن اۋداندار مەن اۋىلداردان كەلگەن جاس­تار ەڭبەك ەتەتىنىن, الايدا, ولاردىڭ باس­پانا ماسەلەسى شەشىمىن تاپپاي وتىرعانىن, ءۇي جالداۋعا تاپقان جالاقىلارىنىڭ جەت­پەي­تىنىن كولدەنەڭ تارتتى. – مىنە, قازىر 30-40 ادامنىڭ جۇمىستان كەتۋگە وراي جازىپ بەرگەن ءوتىنىشى الدىمدا جاتىر. ونىڭ ءبارىن قويا بەرسەك, ءمۇل­دە مامانسىز قالامىز. پاتەر جالداۋ اقى­سىن تولەۋگە جەڭىلدىكتەر بەرۋ جاعى قاراس­تى­رىل­ماي كەلەدى. قىزمەتكە تۇرۋ ءۇشىن جاس جىگىت­تەردىڭ اسكەردە بولۋى دا باستى شارت, – دەدى ول. مامان ماسەلەسى شەشىمىن تاپپاي وتىرسا دا, وسكەمەندىك جول پوليتسيالارى ءوز ءمىن­دەت­تەرىن مۇلتىكسىز اتقارىپ كەلەدى. ماسەلەن, قالاداعى جول ءجۇرۋ ەرەجەسىن بۇزۋ فاكتىلەرى بيىل بىلتىرعى جىلمەن سالىستىرعاندا ءبىرشاما تومەندەگەن. قاڭتار ايىنىڭ قورىتىندىلارى وسكەمەندە وتكەن ايدا جول ءجۇرۋ ەرەجەسىن بۇزۋ فاكتىلەرى 2016 جىلدىڭ اتالعان مەرزىمىمەن سالىستىرعاندا 24,3 پايىزعا ازايعانىن كورسەتىپ وتىر. وسكەمەن قالالىق جول-پاترۋلدىك پوليتسياسى باتالونى قۇرامى بىلتىر قاڭتار ايىندا 4 883 جول ەرەجەسىن بۇزۋ فاكتىسىن انىقتاپتى, بيىلعى كورسەتكىش – 3 697. جاقىندا وبلىستىق اكىمدىكتە وتكەن جيىنداردىڭ بىرىندە شىعىس قازاقستان وبلىستىق ءىىد جەرگىلىكتى پوليتسيا قىز­مە­تىنىڭ باستىعى دۋلات قازاقپاەۆ 2016 جى­لى وڭىردە ورىن العان قىلمىستىق كور­سەت­كىشتەرگە توقتالىپ, وبلىس ورتالىعى – وسكەمەن قالاسىنىڭ وبلىستا قىلمىس جا­ساۋدان كوش باسىندا تۇرعانىن تىلگە تيەك ەتكەن-ءدى. ونىڭ ايتۋىنشا, ايماقتا 202 بەينەباقىلاۋ كامەرالارى ورناتىلعان, سو­نىڭ ارقاسىندا 255 قىلمىستىڭ ءىزى سۋى­م­اي اشىلىپ, 20 236 اكىمشىلىك قۇقىق بۇ­زۋ­شىلىق انىقتالعان ەكەن. جەرگىلىكتى پو­ليتسيا قىزمەتىنىڭ باستىعى قوعامدىق ورىن­دار (3,3) مەن كوشەلەردە (14,8) ورىن الا­تىن قىلمىستاردىڭ دەڭگەيى ءبىرشاما ءتو­مەندەگەنىن دە اتاپ وتكەن بولاتىن سول جيىندا. بۇل دەرەكتەردى بەكەرگە كەلتىرىپ وتىرعان جوقپىز. ءبىز ءسوز ەتىپ وتىرعان جول-پاترۋلدىك پوليتسياسى تەك جول-كولىك ەرەجەلەرىن بۇ­ز­عان­داردى انىقتاۋمەن عانا ەمەس, قالا كو­شە­لەرىندەگى, تۇرعىن ۇيلەردىڭ اۋلالارى مەن قوعامدىق ورىندارداعى قاۋىپسىزدىكتى قام­تا­ماسىز ەتۋمەن اينالىساتىنى دا بەلگىلى. ەند­ەشە, قىلمىستىق كورسەتكىشتەر بوي­ى­ن­­- شا وڭىردە كوش باستاپ تۇرعان وسكەمەن قا­لاسىنىڭ قۇقىق قورعاۋ ورگاندارىنداعى ما­مان جەتىسپەۋشىلىگىنىڭ ءتۇيىنىن تارقاتۋ كە­زەك كۇتتىرمەيتىن وزەكتى ماسەلە ەكەنى انىق. ازامات قاسىم, «ەگەمەن قازاقستان» وسكەمەن