تاسقىنعا توسقاۋىل قويا الامىز با؟

بيىل جايىق وزەنىندەگى سۋ تاسقىنىنىڭ قاۋپى جوعارى. سينوپتيكتەر وزەن باستاۋ الاتىن رەسەي اۋماعىندا قار مولشەرى مەن توپىراق ىل­عال­دىلىعى جىلداعىدان 50 پايىزعا دەيىن ارتقانىن ايتىپ وتىر. وب­لىستىق توتەنشە جاعدايلار دەپارتامەنتىنىڭ باسشىسى ومىرزاق سا­عىنبەكتىڭ مالىمەتىنشە, سۋ تاسقىنىنان قاۋىپتى دەگەن ايماقتا ءبىر قالا, 16 ەلدى مەكەن, 7800 ءۇي مەن 15 مىڭنان استام تۇرعىن بار. قۇر­ما­نعازى اۋدانىنداعى اۋىلداردى سۋ تاسقىنىنان قورعاۋ ءۇشىن 63 شا­قىرىم بوگەت قۇرىلىسىنىڭ جوبالىق قۇجاتتارى ازىرلەنۋدە. ما­حام­بەت اۋدانىنداعى العا اۋىلىندا ەكى شاقىرىم بوگەتتىڭ قورعانىس جۇ­مىستارى ءساۋىر ايىندا باستالادى. – وبلىس ورتالىعى مەن اۋ­دان­دار­دىڭ توتەنشە جاعدايعا ارنالعان قا­را­جات قورى 1 ملرد 349 ملن تەڭگە. شۇ­عىل شىعىندارعا ارنالعان قوردا 203 ملن تەڭگە بار. بىراق ماقات اۋدا­نىندا اتالعان ەكى قورعا دا قارجى قا­راس­­تىرىلماعان. يندەر, قۇرمانعازى اۋ­­داندارىندا شۇعىل شارالارعا قو­سىمشا اقشا بولىنبەي وتىر, – دەيدى دەپارتامەنت باسشىسى. – بۇل ءوز كەزەگىندە اتالعان اۋدانداردىڭ ءتو­تەن­­شە جاعدايعا دايىن ەمەستىگىن كور­سە­تەدى. اتىراۋ قالاسىنداعى 13 بولىمشەدە قار سۋىن كارىز جۇيەسى ارقىلى دالاعا ءجى­­بەرۋ جۇمىستارى قولدانىسقا ەن­گى­زى­ل­مەك. قالا اكىمى سەرىك شاپكەنوۆ 78 بوگەتتىڭ 27-سىندە عانا قۇجات بارىن اي­­تادى. ەلەۋسىز جاتقان بوگەتتەردىڭ تو­پىراعىن تۇرعىندار ۇرلاعان دەرەك­تەر دە تىركەلگەن. وبلىس ورتالىعى ما­ڭىنداعى گەولوگ كەنتىندە سوڭعى جىل­دارى جەر استى سۋى تومەندەمەي وتىر. بۇرىن ءۇش مەتر تەرەڭدىكتەن شى­عا­تىن سۋ قازىر ەلۋ سانتيمەتردەن-اق انىق كورىنەدى. شالعايداعى قىزىلقوعا اۋدانىن­دا ەلدى مەكەندەردىڭ جولى جابىلىپ جات­قانى دا الاڭداتارلىق جايت. وب­لىس­تىق ماڭىزى بار جولدارعا تەحني­كا جىبەرىلىپ, ارشىلىپتى. «ال اۋ­دان­نىڭ تەڭگەرىمىندەگى اۋىل- داردا 220 شا­قىرىم جول بار. ولاردى تازالاپ تۇ­رۋعا قارجى قارالعان جوق», – دەيدى اۋ­دان اكىمى ماقسوت مۇقانوۆ. ىقتيمال قاۋىپتىڭ الدىن الۋعا با­عىتتالعان توتەنشە جاعداي كو­ميس­سيا­­سىنىڭ وتىرىسىندا وبلىس اكىمى نۇرلان نوعاەۆ كەز كەلگەن ۋاقىتتا كەز كەل­گەن جاعدايعا دايىن بولۋ كەرەكتىگىن قا­پەرگە سالدى. وتكەن جىلى اتىراۋ قا­لاسىندا 1 مىڭ, اۋدانداردا 500 ءۇي سۋعا كەتكەن ەدى. باقىتگۇل باباش, «ەگەمەن قازاقستان» اتىراۋ وبلىسى