قانات يسلام دوپينگ ءۇشىن سپورتتان شەتتەتىلگەن ارمان وسپانوۆقا قولداۋ ءبىلدىردى

كاسپقوي بوكستا ءبىرىنشى ورتا سالماقتاعى WBO Intercontinental جانە WBA Fedelatin بەلبەۋلەرىنىڭ يەگەرى قانات يسلام ەرەجەسىز جەكپە-جەكتەن قازاقستان اتىنان شىعىپ جۇرگەن ارمان وسپانوۆقا قولداۋ ءبىلدىردى. «ارمان, سەن قازاقتىڭ باتىرىسىڭ! سەن چەمپيونسىڭ! ونى قانشاما رەت دالەلدەدىڭ. الەمدىك دودالاردا ەل نامىسىن قورعادىڭ, كوك تۋدى جەلبىرەتتىڭ. قازاقتىڭ جۇدىرىعى اۋىر, جىگەرى مىقتى, نامىستى ۇلت ەكەنىن مويىنداتقان جاۋجۇرەك سپورتشىسىڭ. رينگ سىرتىندا دا كۇرەس بار. بۇل ايقاستا دا جاۋىرىنىڭ جەرگە تيمەيتىنىنە سەنەمىن. شىن مىقتىعا ءتۇرلى سىناقتار كەلەدى. بۇل جەردە دە قاسقايىپ تۇرىپ بەرۋ كەرەك. بۇل جەردە دە ەڭسەنى تىك ۇستاۋ كەرەك. مويىماۋ كەرەك. الەمدىك ارەنادا ءالى دە ۇلتتىڭ ابىرويىن اسقاقتاتىپ, تۋىن جەلبىرەتۋ ءۇشىن ساعان بۇل سىناقتى دا جەڭۋ مىندەت. ءوزىڭ ءۇشىن ەمەس, ارتىڭنان ەرىپ كەلە جاتقان, ەلىكتەپ جۇرگەن ىنىلەرىڭ ءۇشىن, ۇلتىڭنىڭ كەلەشەگى ءۇشىن ساعان توقتاماۋ كەرەك. السىزدەر عانا ءار سوزگە الاڭداپ, كىم نە دەپ جاتىر دەپ جالتاقتاپ جۇرەدى. سۇڭقار بيىكتە سامعايدى. سەن باتىرسىڭ. ءوزىڭنىڭ ورنىڭ بار. ونى ەشكىمگە بەرمە! مىقتى ەكەنىڭدى ءالى تالاي دالەلدەيسىڭ. ول كۇن دە الىس ەمەس! مەن ساعان سەنەمىن!", - دەپ جازبا قالدى قانات يسلام ءوزىنىڭ Instagram پاراقشاسىندا ايتا كەتەيىك, ەرەجەسىز جەكپە-جەكتەن WSOF ءوزىنىڭ 35-ءشى تۋرنيرىنە قاتىساتىن سپورتشىلاردىڭ ءتىزىمىن شىعاردى. ءبىر وكىنىشتىسى, ارمان وسپانوۆ پەن ستيۆەن رودريگەز جەكپە-جەگى ەنبەدى. مۇنداي جاعدايدىڭ بولۋىنا وتانداسىمىز ارمان وسپانوۆتىڭ قانىنان دوپينگ تابىلۋى سەبەپ بولىپ وتىر. WSOF باسشىسى رەي سەفو قازاقستاندىق سپورتشىنىڭ ماروككودا وتكەن əسكەري سامبودان əلەم بىرىنشىلىگىنەن كەيىن قانىنان دوپينگ تابىلعانىن جانە ءتورت جىلعا سپورتتان شەتتەتىلگەنىن مالىمدەدى.