ۇلتتىق بانك بازالىق مولشەرلەمە مەن قايتا قارجىلاندىرۋ پايىزىن تەڭەستىردى

2017 جىلعى 24 اقپاندا قر ۇلتتىق بانك باسقارماسىنىڭ رەسمي قايتا قارجىلاندىرۋ مولشەرلەمەسىن جانە بازالىق مولشەرلەمەنى تەڭەستىرۋ تەتىگى تۋرالى قاۋلىسى قابىلداندى, دەپ جازادى ۇلتتىق بانكتىڭ ءباسپاسوز قىزمەتى. مولشەرلەمەلەردى كونۆەرگەنتسيالاۋ بويىنشا شەشىم 2016 جىلعى قاراشادا قازاقستان رەسپۋبليكاسىنىڭ اقشا-كرەديت ساياساتىنىڭ 2017 جىلعا ارنالعان نەگىزگى باعىتتارى شەڭبەرىندە جاريالاندى. 2017 جىلعى 1 ساۋىردەن باستاپ رەسمي قايتا قارجىلاندىرۋ مولشەرلەمەسىنىڭ ءمانى بازالىق مولشەرلەمەنىڭ مانىنە تەڭەستىرىلەدى. بۇدان ءارى بازالىق مولشەرلەمەنى وزگەرتۋ رەسمي قايتا قارجىلاندىرۋ مولشەرلەمەسىن اۆتوماتتى تۇردە جانە سينحروندى وزگەرتۋگە اكەلىپ سوعادى. مولشەرلەمەلەردى كونۆەرگەنتسيالاۋ تۋرالى شەشىم ەكونوميكانىڭ ءتۇرلى سەگمەنتتەرىندە اقشانىڭ قۇنىن تەڭەستىرۋ ماقساتىندا قابىلداندى. قازىرگى ۋاقىتتا اقشا نارىعىنداعى اقشا قۇنى بازالىق مولشەرلەمەمەن (قازىرگى ساتتە – 11%) ايقىندالادى. بۇل رەتتە رەسمي قايتا قارجىلاندىرۋ مولشەرلەمەسىنىڭ زياندى وتەۋ, جىبەرىپ العان پايدانى ەسەپتەۋ ءۇشىن ءوسىمپۇل, ايىپپۇل ەسەپتەگەن كەزدەگى ازاماتتىق-قۇقىقتىق جانە اكىمشىلىك- قۇقىقتىق قاتىناستاردا پايدالانىلاتىن, 5,5% مولشەرىندەگى اعىمداعى دەڭگەيى اقشانىڭ ناقتى قۇنىن كورسەتپەيدى. بۇل رەتتە, نارىقتاعى اتالعان تەڭگەرىمسىزدىكتى جويۋ ءۇشىن نەعۇرلىم وڭتايلى ءتاسىل تاڭدالعانىن اتاپ ءوتۋ قاجەت – مولشەرلەمەلەر اراسىنداعى ايىرما ەڭ از بولىپ وتىر.