ەلەكتروندى بيلەت – ەل يگىلىگىنە

قوعامدىق كولىكتەردە ەلەك­­­تروندى بيلەتپەن ءجۇرىپ-تۇرۋ قانشالىقتى ءتيىمدى؟ جاڭا جوبانى قولدانىسقا ەنگىزۋ ءما­سەلەسى بۇدان بۇرىن بىرنە­شە مارتە كوتەرىلگەن بولاتىن. شە­نەۋنىكتەردىڭ ايتۋىنشا, اتال­مىش جۇيە ارقىلى اۆتو­پارك­تەردىڭ جۇمىسىنىڭ ايقىن­دى­لىعىن قامتاماسىز ەتۋگە جانە جولاۋشىلاردى ءبىر ورتالىقتان باقىلاۋعا ءتيىمدى. – قازىرگى كەزدە ەلەكتروندى بيلەت بەرۋ بويىنشا قاناتقاقتى جوبا ەنگىزىلگەن الماتىنىڭ تاجىريبەسىن باقىلاپ وتىرمىز, – دەيدى قاراعاندى قالاسىنىڭ اكىمى نۇرلان اۋباكىروۆ. – بىراق, بۇل جوبانى ەنگىزۋ تۋرالى ناقتى شەشىم ءالى قابىلدانعان جوق. بۇل ماسەلە بويىنشا ناقتى جاۋاپ ءساۋىر ايىندا بەلگىلى بولادى. ۇكىمەتتە قاراعاندىلىق بيلىكتىڭ زاڭناماعا وزگەرىستەر ەنگىزۋ بويىنشا ۇسىنىسى قارالادى. وبلىس ورتالىعىندا اۆتوبۋستاردا قولما-قول جانە قولما-قول اقشاسىز ەسەپ ايى­رىسۋعا سارالانعان تاريفتەر ەنگىزىلمەك, سونداي-اق, اۆتو­پاركتەردى سۋبسيديالاۋ ماسەلەسى جويىلىپ, كولىك سالاسى سەرۆيستىك سحەمادان شى­عارىلماق. ەگەر وسى وزگەرىستەر قابىلدانسا, وندا ءبىزدىڭ قالادا جوبانى ەنگىزۋ ءۇشىن «وڭاي» كومپانياسى جاۋاپتى بولادى. جىلى ايالدامالار دا قارا­عاندىنىڭ قوعامدىق كولىك جولاۋشىلارى ءۇشىن تاعى دا ءبىر جاڭاشىلدىق بولادى. بۇگىندە قالاداعى «ارمان» بوۋلينگىنىڭ جانىندا ءبىر جىلى ايالداما بار. جاقىن ارادا وسىنداي تاعى دا 5 پاۆيلون ورناتىلماق. ميراس اسان, «ەگەمەن قازاقستان» قاراعاندى