ورايلى جۇمىس – وتاندىق ءونىم

«قازاقستاندا جاسالعان». بۇل – مەملە­كەتتىڭ مەرەيى, ماڭىزدى مارتەبە, وتانى­مىز­دىڭ بەدەلى. «ەكى قويىم – ءبىر سوم» دەيتىن بۇ­رى­ن­- عى قازاق جوق. ەشتەڭەگە الاڭسىز ەل ەمەس ەكە­نىمىزدى ءبىرتىن-ءبىرتىن كورسەتىپ كەلەمىز. اق­شا اينالدىرۋ – بيزنەس جاساۋ, قوسىمشا جۇ­مىس ىستەپ, تابىس تابۋعا ۇيرەنىپ قالدىق. وسى­نى مۇرات تۇتقان جاس كاسىپكەردىڭ ءبىرى قا­راعاندىلىق دانيار اۋپيسيموۆ. جوسپارى اۋقىمدى, جوباسى تىڭ كاسىپكەر «قا­را­عان­دىدا جاسالعان» ماركاسىمەن سپورتتىق كيىم شى­عارىپ جاتىر. قازىردىڭ وزىندە تىگىن تسەحى ار­نايى كيىمدەردىڭ نەشە ءتۇرىن ساندەپ تىگۋ ۇستىندە. جۋىر­دا وبلىس اكىمى نۇرمۇحامبەت ابدىبەكوۆ تىگىن تسە­حىندا بولىپ, ءوندىرىستى ارالاپ شىعىپ, كا­سىپ­كەر­لەر­دىڭ ءوتىنىشىن تىڭدادى. ولارعا قولداۋ كور­سەتۋگە ۋادە بەردى. ايماق باسشىسىنىڭ شاعىن ءوندىرىس ورنىنا ار­نايى ات باسىن بۇرىپ, كومەك قولىن سوزۋعا بەيىل ەكەن­دىگىنىڭ بىرنەشە سەبەپتەرى دە بار. «M.Style Kazakhstan» كاسىپورنىندا تەك مۇمكىندىگى شەكتەۋلى جان­­دار جۇمىس ىستەيدى. بۇگىندە مۇمكىندىگى شەك­تەۋ­لى توعىز ادام ەڭبەك ەتىپ جاتقان كاسىپورىن ال­دا­عى ۋا­­قىتتا تاپسىرىستىڭ تۇسۋىنە قاراي جۇمىس ورىن­دا­­رىنىڭ سانىن ارتتىرماق. «ءبىزدىڭ مىندەتىمىز – مۇگەدەكتەرگە ومىردەن وزىنە لاي­ىقتى ورىن تابۋعا كومەكتەسۋ. بۇل ادامدار مەم­لەكەتتىك جاردەماقىدان باسقا, وقىپ, جۇمىس ءىس­تەگەندى, قوعامعا ءوز پايداسىن تيگىزۋدى قالايدى. ءبۇ­­­گىن­دە ەلىمىزدە جۇمىس ىستەۋگە قابىلەتتى جاستاعى ءمۇ­­­گەدەكتەردىڭ 13 پايىزى عانا ەڭبەك ەتىپ, اقشا تا­با­دى», دەيدى جاس كاسىپكەر دانيار اۋپيسيموۆ. بۇدان بولەك ول باسقا كومپانيالارمەن بىرلەسىپ, ءمۇم­كىندىگى شەكتەۋلى جاندارعا كومەك كورسەتۋ ءۇشىن قو­عامدىق قايىرىمدىلىق قورىن قۇرىپتى. جاس كا­­سىپكەر سونىمەن قاتار, ءونىمدى ساتۋدان تۇسكەن قار­­جىنىڭ ءبىر بولىگىن بالالارعا وتا جاساتۋعا جۇ­م­­ساۋدى كوزدەپ وتىرعان كورىنەدى. ميراس اسان, «ەگەمەن قازاقستان» قاراعاندى