پارتيا قۇرداستارى – پارتيا قاتارىندا

«نۇر وتان» پارتياسىنىڭ قۇرىلعان كۇنىنە وراي, الماتى قالالىق فيليالىندا پارتيا بەلسەندىلەرى مەن بەلگىلى قوعام قايراتكەرلەرىنىڭ, جاستاردىڭ قاتىسۋىمەن سالتاناتتى جيىن بولىپ ءوتتى. ەلىمىزدىڭ تۇڭعىش پرەزيدەنتى, پارتيا توراعاسى نۇرسۇلتان نازارباەۆتىڭ باستاماسىمەن قۇرىلعان «نۇر وتان» بۇگىندە ەڭ ءىرى قوعامدىق-ساياسي پارتياعا اينالدى. ءوزىنىڭ جۇيەلى قىزمەتى, باع­دار­لامالارى ارقىلى حالىق الدىندا زور بەدەلگە يە بولعان پارتيا ارقاشان اي­ماقتارداعى قولداۋشىلارىنا سۇيە­نە­­دى. رەسپۋبليكالىق قۇرىلىمدا 1 مي­ل- ليون­نان استام مۇشەسى بولسا, الماتى قالالىق فيليالىنداعى 731 باس­تاۋىش ۇيىمدا 85 مىڭعا جۋىق ادام بار. ارينە, سانمەن بىرگە ساپا دا وسكەنىن اتاپ وتكەن ورىندى. 2016 جىلى رەسپۋبليكالىق جەلى­لىك كەستەگە سايكەس قالالىق فيليال 3200 ءىس-شارا وتكىزىپ, ولاردا 300 مىڭ­نان اس­تام ادام قامتىلدى. فراكتسيا ءمۇ­شە­لەرىنىڭ قولداۋىمەن تۇرمىسى ءتو­مەن وت­باسىلار ءۇشىن 10 ملن تەڭ­گە­­نىڭ قاي­ى­رىم­دىلىق كومەگى كور­سە­تىل­دى. ءداستۇر بويىنشا پارتيا كۇنى قار­سا­­ڭىندا جاڭادان مۇشەلەر قابىل­دان­د­ى. ماسەلەن, ولاردىڭ اراسىندا بەل­گىلى جۋرناليست, رەسپۋبليكالىق «كازاحستانسكايا پراۆدا» گازەتىنىڭ فوتو­تىلشىسى يۋري بەككەر, قازاقستاننىڭ ەڭبەك سىڭىرگەن قاي­راتكەرى, قازاقستان جاستار وداعى سىي­لىعىنىڭ لاۋرەاتى ەرلان ءبىلالوۆ, الماتى قالاسى يندۋستريالىق ايماق­تىڭ قا­تى­سۋشىسى, «BRB APK» جىلى­جاي كوم­پانياسىنىڭ ديرەكتورى نۇر­لان ءادىلحان, 28-ءشى قىسقى ۋني­ۆەر­سيا­دا-2017 ديرەكتسياسىنىڭ ۆولونتەرلارمەن جۇمىس دەپارتامەنتىنىڭ ديرەكتورى ابىلاي قوندىباەۆ, ت.ب. بەلگىلى ازاماتتار بار. ساپارباي پارمانقۇلوۆ, «ەگەمەن قازاقستان» الماتى