بيزنەسۆۋمەندەر بىرلىككە ۇندەيدى

بريفينگكە «اتامەكەن» ۇكپ تورالقا توراعاسى حات­شىلىعىنىڭ جەتەكشىسى, ىسكەر ايەلدەر كەڭەسىنىڭ ءتورايىمى ءلاززات رامازانوۆا, «Asyl Arman» جشس ديرەكتورى, وڭ­تۇستىك قازاقستان وبلى­سى ءوڭىر­لىك ىسكەر ايەلدەر كە­ڭەسىنىڭ ءتورايىمى الما ار­حاباەۆا, «تەرريتوريا ديزاي­نا deSali» ستۋدياسىنىڭ, «Coffee & People» جشس ديرەكتورى, ماڭعىستاۋ وبلىسى وڭىرلىك ىسكەر ايەلدەر كەڭەسىنىڭ ءتورايىمى ساۋلە ساليحوۆا مەن «DELUXE» جۋرنالىنىڭ باس رەداكتورى, قاراعاندى وبلىسى وڭىرلىك ىسكەر ايەلدەر كەڭەسىنىڭ ءتورايىمى ءاليا سادىرباەۆا قاتىستى. – بۇگىندە ايەلدەر بيزنەس­تە كۇن وتكەن سايىن بەلسەندى بولىپ كەلەدى. كاسىپكەرلىكپەن اينالىسىپ جاتقان ايەلدەردىڭ ۇلەسى ايتارلىقتاي ءوستى. قول­دا بار مالىمەتتەرگە قارا­عاندا كاسىپكەر ايەلدەردىڭ ۇلەسى شامامەن 50 پايىزعا كو­بەيدى. وسىنىڭ ءبارى, ارينە, مەملەكەتتىڭ قولداۋىنىڭ ءناتي­­جەسىندە مۇمكىن بولىپ وتىر, – دەدى ىسكەر ايەلدەر كەڭەسىنىڭ ءتورايىمى ءلاززات راما­زانوۆا. ونىڭ ايتۋىنشا, بىلتىر كاسىپكەرلەر پالاتاسى العاش رەت قازاقستاننىڭ 6 وڭىرىندە بيزنەستى ميكرونەسيەلەۋ باعدارلاماسىن ىسكە قوستى. اقتوبە, الماتى, جامبىل, قى­زىل­وردا مەن ماڭعىستاۋ وبلىس­تارىنداعى وڭىرلىك كە­ڭەستەر وسى جوبانىڭ جۇزەگە اسى­رىلۋىندا بەلسەندى جۇمىس اتقارىپ كەلەدى. قازىرگى كەزدە قازاقستان ازاماتتارىنىڭ 52 پايىزى, ياعني جارتىسىنان كوبى ايەلدەر. ولاردىڭ ىشىندە 16 جاستان 62 جاس ارالىعىندا ەڭبەككە جارامدىلارى – 5 323 439 (50 پايىز). ال شاعىن جانە ورتا كاسىپكەرلىكتى 697 355 (42 پايىز) ايەل باسقارادى. «اتامەكەن» ۇكپ 17 666 كاسىپكەر ايەلگە سەرۆيستىك قولداۋ كورسەتسە, 45 501 ايەلگە اقپاراتتىق قولداۋ جاسادى. – ىسكەر ايەلدەر كەڭەسىنىڭ جۇمىسىنان كوپتەگەن مىسالدار كەلتىرۋگە بولادى. ونىڭ ىشىندە, شىعىس قازاقستان وبلىسىنداعى ۇستالىقپەن اينالىساتىن سۆەت­لانا كوشەلەۆانىڭ ءىسى اي­رىقشا مىسال بولا الادى. ىسكەر ايەلدەر كەڭەسىنىڭ كوك­پەكتى اۋدانىنداعى ءبولىم­شەسىنىڭ بەلسەندى جۇمىسى مەن قولداۋىنىڭ ارقاسىندا «جۇ­مىسپەن قامتۋدىڭ جول كارتاسى-2020» باعدارلاماسى اياسىندا 2 ميلليون تەڭگە نەسيە الىپ, ءوزىنىڭ شاعىن تسەحىن اشىپ, تەمىردەن 10 ءتۇرلى بۇيىم دايىندايدى. مۇنداي شەبەرلىك ەسكەرۋسىز قالمادى. شەبەرلەر «جاڭا ءونىم» اتالى­مىمەن ماراپاتتالىپ, سىي-سىياپاتتارعا يە بولدى, – دەدى ءلاززات رامازانوۆا. بريفينگتە ىسكەر حانىمدار الداعى جۇمىس جوسپارىمەن تانىستىرىپ, بارلىق ايەلدەردى ورتاق ىسكە بىرىگۋگە شاقىردى. داستان كەنجالين, «ەگەمەن قازاقستان»