استانانى گازداندىرۋ جوباسى باستالار ەمەس. نەگە؟!

قازاقستان رەسپۋبليكاسىنىڭ پرەزيدەنتى – ەلباسى ن.ءا.نازارباەۆ 2012 جىلى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋىندا «استانانى قوسا العاندا, ەلدىڭ ورتالىق ءوڭىرىن گازداندىرۋدى قامتاماسىز ەتەتىن قۇبىر جۇيەسىن جوسپارلاپ, جۇزەگە اسىرۋعا كىرىسۋدى تاپسىرامىن. بۇل – كوپ قارجىنى قاجەت ەتەتىن ماڭىزدى جۇمىس. گازعا تاۋەلدىلىكتەن ارىلۋ ءۇشىن ءبىز ونى جاساۋىمىز كەرەك. قازاقستان – مۇناي مەن گاز وندىرەتىن ەل. ءبىز ەلىمىزدى گازداندىرۋعا مىندەتتىمىز», دەپ ۇكىمەتكە ءتيىستى تاپسىرما بەرگەن بولاتىن. ەلباسىنىڭ وسى تاپسىرماسىنان كەيىن ەل­ور­دا­مىز­عا گاز تارتۋدىڭ ەكى جوباسى ازىرلەندى. ولار «قارتالى – توبىل – كوكشەتاۋ – استانا» ماگيسترالى جانە «بەينەۋ – بوزوي – شىمكەنت» قۇبىرىنا «قىزىلوردا – جەزقازعان – تەمىرتاۋ – قاراعاندى – استانا» ماگيسترالىن جالعاۋ ارقىلى «سارىارقا» گاز قۇبىرىن سالۋ جوبالارى. ءبىرىنشى جوبا بويىنشا 2012 جىلى تەحنيكالىق-ەكو­نوميكالىق نەگىزدەمەسى مەن جوبالىق-سمەتالىق قۇ­جاتتاماسىن جاساۋعا 4,7 ملرد تەڭگە جۇمسالدى, ياعن­ي رەسپۋبليكالىق بيۋدجەتتەن 2 ملرد تەڭگە جانە «سامۇرىق-قازىنا» قورىنىڭ تاراپىنان – 2,7 ملرد تەڭگە. بىراق, ۇكىمەتتىڭ شەشىمىمەن, كورسەتىلگەن جو­با­لاردىڭ قارالۋى مەن ىسكە اسىرىلۋى بەلگىسىز مەر­زىمگە توقتاتىلدى. 2013 جىلدىڭ 23 قاڭتارىندا ءوت­كەن ۇكىمەتتىڭ كەڭەيتىلگەن وتىرىسىندا مەملەكەت باس­­شىسى اتالعان ماسەلەگە قايتا ورالىپ, گاز قۇبىرى ما­گيسترالىنىڭ قۇرىلىسىن جەدەلدەتۋدى تاپسىرعان. اتال­عان تاپسىرمانىڭ ءبىرىنشى رەت بەرىلگەنىنە بەس جىل تولدى. بىراق, 2015 جىلى قۇرىلىسى اياقتالاتىن جو­با وسى كۇنگە دەيىن باس­تال­عان دا جوق. ال قازىرگى كەزدە وزگە ەلدىڭ كاسىپكەرلەرى اۆتو­كو­ل­ىكپەن گاز تاسىمالداپ, استانانىڭ بىرنەشە ۇلكەن نى­سانىن گازداندىرىپ, نارىعىمىزدى يگەرىپ, تابىس تاۋىپ جاتىر. استانا قالاسى مەن گاز قۇبىرىنىڭ بويىندا ور­نالاسقان ەلدى مەكەندەردى گازداندىرۋ – كەلە­شە­گى مول, سەرپىندى جوبالاردىڭ ءبىرى. بولاشاقتا بۇل بىرقاتار ءوڭىردىڭ الەۋمەتتىك-ەكونوميكالىق جاع­دايىن ايتارلىقتاي جاقسارتادى, ويتكەنى, كوگىلدىر وتىننىڭ تۇتىنۋشىلار قاتارىن ازاماتتارىمىزبەن بىرگە ءىرى كاسىپورىندار مەن شاعىن جانە ورتا بيزنەس وكىلدەرى تولتىرار ەدى. مامانداردىڭ ايتۋىنشا, شىققان شىعىن ورتا ەسەپپەن العاندا, 5-7 جىلدا اقتالادى. سونىمەن قاتار, استانانىڭ ەكولوگيالىق احۋالىن ايتارلىقتاي جاقسارتۋعا دا مۇمكىندىك تۋار. بۇعان ۇكىمەتتەگىلەر نە دەر ەكەن؟ ساپار احمەتوۆ, ءماجىلىس دەپۋتاتى